Juventus i bëri daljen Leonardo Bonucci teksa ishte me pushime, por mbrojtësi nuk hoqi dorë për asnjë cast. E në kthimin e tij në Torino në funksion të fillimit të përgatitjeve mori përzemërsinë e tifozëve. Ngrohtësia që nuk i ka munguar as nga ana e shokëve të skuadrës, aktualë e të dikurshëm, të cilët orët e fundit janë mbledhur në një tavolinë me ish-kapitenin e Juventus. Një darkë që është në fakt ribashkimi, por me aromë lamtumire. Në fakt me Leonardo Bonucci janë takuar Pogba, Gatti, Locatelli, Fagioli, Perin dhe po ashtu Paredes, i rikthyer te PSG pas përfundimit të huazimit.
E në foton e publikuar në rrjetet sociale, e publikuar në historitë e argjentinasit në Instagram, është edhe Dusan Vlahovic. Duhet patur parasysh, se edhe e ardhmja e serbit duket se është shumë larg Torinos dhe fanellës bardhezi. Njësoj si ajo e qendërmbrojtësit Bonucci, por edhe e Paul Pogba aty i pranishëm. Prandaj, nëse dy të dhëna mund të bëjnë një provë, dy lojtarët në dalje duket se janë takuar me shokët e tyre për një përshëndetje të fundit.
Lexo më tej: Video/ Bonucci i preferuari i bardhezinjve, Lukaku jo: “Edhe sot për mua është një ditë e bukur”
Si ndodhi divorci mes ish-kapitenit e bardhezinjve është një histori e njohur. Vizita e dyshes Giuntoli-Manna te Bonucci me pushime në Toskanë nuk ishte “për kënaqësi”. Mesazhi i dy drejtuesve për mbrojtësin ishte elokuent: nuk është më pjesë e projektit të Juventus. E kështu, një vit nga skadimi i kontratën ai është lojtar i lirë. Pas daljes nga projekti, Bonucci mund të kërkojë, nëse do, një skuadër tjetër. Në këtë situatë, dëshira e të mbijetuarit të fundit të BBC-së legjendare bardhezi, për të përfunduar karrierën në klubin ku luan prej 13 vitesh, nuk duket se do të mund të realizohet.