Pak minuta pas nisjes, diçka e papritur bëri të nevojshme kthimin prapa. Është shtyrë me më shumë se 6 orë udhëtimi drejt Shqipërisë i rreth 530 pasagjerëve që u nisën në tragetin “Prince” të kompanisë A-Ships rreth orës 13 të pasdites së të dielës. Trageti doli nga ankorimi i tij nga doku në Costa Morena Ovest. Pak jashtë portit të Brindizit ka ndodhur një problem (me sa duket një pompë nuk ka funksionuar) e cili ka penguar vazhdimin e lundrimit për në Vlorë.
Në atë moment dy rimorkiatorë nga kompania Barretta ndihmuan tragetin, duke e shoqëruar atë përsëri drejt Costa Morena ku u ankorua midis orës 15.00 – 15:30. Të gjithë pasagjerët u desh të largoheshin me varka. Më pas ata u morën nga anija “European Star” e kompanisë Star Lines që u nis rreth orës 19.25 për në Shqipëri. Edhe ky traget u nis me 2 orë vonesë në krahasim me kohën e planifikuar. Mediat italiane raportojnë se situata po monitorohet nga Autoriteti i Sistemit Portual të Detit Adriatik Jugor dhe nga Kapiteneria e Porteve, të cilat kanë kryer një inspektim në bord.
I ndërtuar në vitin 1979, trageti është 122 metra i gjatë dhe 19 metra i gjerë. Kohët e fundit ai ndryshoi pronësi nga një kompani kroate në pronarët aktualë. Kjo verë është aktive përgjatë linjës Brindisi – Vlorë. Ditët e fundit ky traget kishte në bord edhe kryeministren Giorgia Meloni, e cila kaloi disa ditë pushime në “vendin e shqiponjave”. ©LAPSI.al
KESHTU MESO KUR TRANSPORTON SHTRIGEN ME TAKU SHEJTONIN
sigurisht qe ke te drejte o katunar Mire qe e njef veten.je si katunari tjeter Salih Ram Berisha