Rangers dhe PSV Eindhoven i dhanë jetë një përballje vibruese, në ndeshjen më emocionuese të këtij raundi të parë të playoff-it të Champions League. Përfundoi 2-2 në Ibrox, me përmbysje të vazhdueshme. Rabbi Matondo dhe shokët e tij ëndërruan fitoren, por u arritën dy herë nga holandezët, që shënuan me Sangaré dhe de Jong. Antwerp fiton 1-0 ndaj AEK, pavarësisht inferioritetit numerik. I njëjti rezultat edhe për Copenhagen, që mundi minimalisht Rakow.
Ndeshja e parë e playoff të Champions League ofron menjëherë gola dhe emocione. Më të rëndësishme vijnë nga Ibrox, ku Rangers ndaloi PSV Eindhoven në rezultatin 2-2 dhe mban gjallë shanset për kualifikim. Ndeshja ishte intensive që në minutat e para, me ritëm të lartë dhe raste të ndryshme shënimi. E megjithatë u zhbllokua vetëm në minutën e 45′. Autori i golit të parë ishte Abdallah Sima, i huazuar te Rangers nga Brighton. Skocezëve u arritën nga Sangaré në minutën e 61′, por kaluan sërish në epërsi falë Rabbi Matondo, që nxorri shkëndija në krah me shpejtësinë. 2-1 në minutën e 76′, por nuk ka mbaruar ende. Luuk de Jong barazoi 2-2 (80′), ndërsa Matondo iu afrua golit të fitores për skocezët në kohën shtesë.
Do të fillojmë nga e para në Holandë në ndeshjen e kthimit, ndërsa Antëerp dhe Kopenhagen festuan fitoren e tyre në ndeshjen e parë. Kampionët e Belgjikës sunduan mbi AEK Athens 1-0, falë golit të holandezit Vincent Janssen. Sulmuesi me një të kaluar te Tottenham shënoi në minutën e 16′. Avantazhi rezistoi pavarësisht inferioritetit numerik nga minuta e 50′ për daljen e mbrojtësit Jelle Bataill. Grekët nuk mundën të barazojnë apo të përmbysin rezultatin. Fitore e çmuar jashtë fushe për Kopenhagen. Autogoli i Racovitan pas nëntë minutash ishte i mjaftueshëm për të mposhtur befasuesin Rakow Czestochowa. Skuadra polake, për të arritur deri këtu ka eliminuar Qarabag dhe Aris Limassol.
Champions League Qualification
Rakow Czestochowa 0-1 FC Copenhagen
Rangers 2-2 PSV Eindhoven
Royal Antwerp 1-0 AEK Athens