Bujar Spahiu është kërcënuar me jetë për të dhënë dorëheqjen nga drejtimi i Komunitetit Mysliman të Shqipërisë. Sipas MCN Tv, që citon burime diplomatike, në të paktën dy raste kryetari i KMSH-së është kërcënuar fizikisht nga persona që janë prezantuar si besimtarë.
Mësohet se pak kohë më parë, një person me precedentë kriminalë dhe i armatosur ka hyrë në zyrën e Bujar Spahiut dhe i ka kërkuar të largohet.
Jo vetëm kaq. Përmes të njëjtave burime, mësohet se edhe dy biznesmenë në Shqipëri janë takuar me kreun aktual të KMSH dhe i kanë kërkuar që të bëjnë një tërheqje fiktive nga detyra. Këto përpjekje vijnë në një kohë kur konflikti brenda Komunitetit Mysliman ka dalë në sipërfaqe mes një grupimi që konsiderohet si afër Turqisë dhe që e akuzon Spahiun si gylenist.
Pak javë më parë, para selisë së Komitetit Mysliman Shqiptar pati edhe një protestë kundër kryetarit Bujar Spahiu.
Duket se konflikti i ndezur për kryetarin e KMSH-së po mban peng edhe hapjen e xhamisë së Namazgjasë, e cila po ndërtohet me fonde të besimtarëve mysliman turq. Presidenti turk Rexhep Tajip Erdogan ka shtyrë vizitën e planifikuar për inaugurimin e kësaj xhamie, ndërsa thuhet se ai ka kërkuar nga kryeministri Edi Rama largimin e Bujar Spahisë si kryetar të KMSH-së.
Punimet për ndërtimin e Xhamisë së Namazgjasë nisën ne vitin 2015 dhe ishte parashikuar që të zgjasnin 2-3 vite. Por sot pas 8 viteve, dyert e xhamisë nuk janë hapur ende për besimtarët myslimanë dhe vizitorët.
Xhamia me katër minaret në kryeqytet është ndërtuar me fondet e Drejtorisë së Çështjeve Fetare të Turqisë dhe Fondacionit Diyanet. Por në një intervistë për Zërin e Amerikës në janar të vitit 2022, ish-kreu i KMSH-së, Skënder Bruçaj, tha se nëse punimet nuk do të përfundonin, KMSH i kishte kapacitetet për ta bërë xhaminë funksionale.
Zgjedhjet për kryetarin e 4 viteve të ardhshme të KMSH zhvillohen në marsin e vitit të ardhshëm./Mcn Tv
Po bandat e qeverise e kane kercenuar nuk do shume mend
Dmth dihet kush e ka kercenuar asnje nderhyrje per mbrojtje kjo pasi policia dhe shteti eshte i zene me tollombacet me oksid azoti dhe ndertimine çative pa leje😂😂.
Llogarit se cfare mbrojtje ka populli i thjesh dele qe cdo dite kercenohet nga zyrtare te pa afte dhe arrogant.
Njerzit e Erdoganit dhe Turqise të mbeshtetur edhe nga ekstremistet dhe fillo Turqit.
Bejini shurren xhamise
Ky eshte nje provoking I rende për stabilitetin strategjik të religjionit ne Shqipëri.
Kjo asht e verteta kuR SHqiptaret do e kuptojn se asht politik edhe Muhameti edhe Krishti edhe Mouzis