Mediat turke raportuan se një shpërthim i fortë është dëgjuar në zemër të kryeqytetit turk, në Ankara. Shpërthimi ndodhi në një zonë ku ndodhen ndërtesat e Kuvendit dhe Ministrisë së Brendshme.
Parlamenti është planifikuar të rihapet të dielën, pas pushimeve verore.
Një automjet komercial kreu sulmin me bombë në portën hyrëse të Drejtorisë së Përgjithshme të Sigurisë të Ministrisë së Brendshme, tha ministri Ali Yerlikaya nga media shtetërore turke TRT.
“Një nga terroristët hodhi në erë veten dhe terroristi tjetër u neutralizua”, citohet të ketë thënë Yerlikaya. Ai shtoi se dy policë u plagosën lehtë nga zjarri i shkaktuar nga shpërthimi.
Mediat turke raportuan gjithashtu se të shtëna armësh janë dëgjuar në të njëjtën zonë pas shpërthimit.