Selena Gomez ka reaguar ndaj spekulimeve për nje debat mes saj dhe Dua Lipa pasi fansat vunë re se artistja e ” Calm Down” nuk e ndiqte në Instagram.
“Ishte një aksident!” shpjegoi Selena për Fast Company. “Unë po hiqja disa persona nga Instagrami im. Pastaj dikush më komentoi: “Çfarë ndodhi me Dua?”
Dhe megjithëse sqarimi zyrtar i Selenës vjen disa muaj pas situatës, ajo bëri përpjekje për të treguar mbështetjen e Duas në atë kohë. Në fakt, themeluesja e Rare Beauty ndau një postim në të cilin kishte veshur një veshje nga bashkëpunimi i këngëtares “Levitating” me Versace. Ajo shkroi, “Një moment i vogël Versace/Dua”.
Ky nuk është i vetmi thashethem për grindje muzikore që Selena i është dashur të reagojë kohët e fundit.
Në gusht, ajo dhe kolegia e saj në Disney Channel, Miley Cyrus, njoftuan se do të publikonin këngët e tyre: “Single Soon” dhe “Used To Be Young”, respektivisht, në të njëjtën ditë. Dhe kjo, sigurisht, nxiti dyshime tek shumë njerëz që pyesnin veten nëse publikimi ishte i rastësishëm.
Megjithatë, Selena dhe Miley hodhën poshtë pretendimet. “@mileycyrus dhe unë do publikojmë këngënt në të njëjtën ditë,” shkroi Selena në Instagram Story më 18 gusht. “Ne kemi qenë mike që kur ishim të reja. E emocionuar për 25 gusht!”/Lapsi.al