Një tjetër episod racizmi është shfaqur në Spanjë dhe viktima është sërish Vinicius Junior. Në ndeshjen me tension të lartë ndërmjet Sevilla dhe Real Madrid, që u luajt të shtunën në mbrëmje në Sanchez Pizjuan, një tifoz vendas ofendoi brazilianin e Los Blancos. Personi në shkallët e stadiumit po imitonte një majmun për të fyer brazilianin e merengues. Ai u identifikua menjëherë nga shërbimi i sigurisë së klubit andaluzian dhe u largua nga stadiumi, përvec se u raportua tek autoritetet. Një masë efektive dhe e menjëhershme të cilës vetë lojtari i dedikoi më pas disa postime në kanalet e tij sociale.
“Komplimente për Sevilla për lëvizjen e menjëhershme dhe sanksionimin e një episodi tjetër të trishtë për futbollin spanjoll – shkroi Vinicius duke postuar foton e fajtorit –. Fatkeqësisht, pata akses në videon e një akti tjetër racist gjatë ndeshjes, këtë herë të kryer nga një fëmijë. Më vjen shumë keq që nuk ka askënd që ta edukojë. Investoj dhe investoj shumë në arsim në Brazil për të formuar qytetarë me qendrime të ndryshme nga këto. Fytyra e atij racistit përfundoi në internetit si në në raste të ndryshme. Shpresoj që autoritetet spanjolle të bëjnë pjesën e tyre dhe të ndryshojnë ligjin një herë e përgjithmonë. Këta njerëz duhet të dënohen penalisht. Do të ishte një hap i parë i shkëlqyer në përgatitjen për të pritur Kupën e Botës 2030. Unë jam gati të jap ndihmën time. Më falni nëse dukem përsëritës, por ky është episodi numër 19 i izoluar dhe jam ende duke numëruar…”.
Parabéns ao Sevilla pelo rápido posicionamento e pela punição em mais um triste episódio para o futebol espanhol.
Infelizmente, tive acesso a um vídeo com outro ato racista na partida deste sábado, dessa vez praticado por uma criança. Lamento muito que não haja ninguém para… pic.twitter.com/azlZ7ccPNZ
— Vini Jr. (@vinijr) October 21, 2023
ANCELOTTI: “NËSE THEM ATË QË MENDOJ MË SKUALIFIKOJNË”
“Ironia është mënyra e vetme që mund të përdorim për të komentuar ndeshjen e sotme. Nëse them atë që mendoj, do të më duhet të humbas shumë ndeshje”. Pas barazimit në fushën e Seviljes, Carlo Ancelotti është zemëruar me arbitrimin e De Burgos Bengoetxea: “Gjëja që ka më shumë rëndësi për mua është të qëndroj ulur në stolin e Real Madrid, prandaj është më mirë të shmang pezullimet dhe për këtë arsye të mos them atë që mendoj dhe të përdor ironinë. Mendoj se arbitri luajti një ndeshje të mirë, ai u përpoq të ruante shëndetin e lojtarëve”.