• |
ide | kryesore

Akuza frontale nga Shakhtar për Fifa-n: “Na shkatërruat”

-Instant, Sport
Shakhtar



Pas shpërthimit të luftës në Ukrainë, që daton tashmë shkurt 2022, filloi një eksod i pandalshëm i lojtarëve të huaj që kishin shkuar për të luajtur në kampionatin e vendit. Një eksod i “favorizuar” nga neni 7 i rregullores së FIFA-s i ligjit për statusin dhe transferimin e lojtarëve, i cili u mundësoi të gjithë të huajve të ndërprisnin kontratat në mënyrë të njëanshme. Sipas drejtorit të përgjithshëm të Shakhtar Donetsk, Serhiy Palkin, vendimi i FIFA-s për të përfshirë këtë rregull ka plaçkitur efektivisht një futboll tashmë në krizë për shkak të ngjarjeve të njohura të luftës. Sulmi i drejtuesit ukrainas ndaj organizmit më të lartë botëror të futbollit, përmes El Pais, është shumë i ashpër.

INJORIMI NGA FIFA

Klubi ukrainas tashmë ka apeluar në Komisionin Evropian kundër zgjedhjes së FIFA-s: “Kur u takuam në Gjykatën e Arbitrazhit Sportiv, e vetmja përgjigje që FIFA na dha ishte se e kuptonin situatën tonë, por se kjo është jeta dhe nuk mund të bënin më shumë”, thotë Palkin. “Kjo ishte retorika. Ata thanë se ishin të shqetësuar për mbrojtjen e jetës së lojtarëve. Unë kurrë nuk u kërkova lojtarëve të huaj të ktheheshin. Nuk u kërkova kurrë që të angazhoheshin në asnjë mënyrë. Ishte vendi ynë, problemi ynë, lufta jonë. Unë i komunikova vetëm të gjithë të huajve se jemi në dispozicion për të lehtësuar largimet e negociuara. Askush nuk na bëri presion për të anuluar kontratat”.

Sulmi i drejtuesit ukrainas të Shakhtar vazhdoi: “FIFA shkatërroi të gjithë ekosistemin tonë. 13 të huajt tanë ishin të lirë kur na u desh të rindërtonim ekipin për të luajtur kampionatin ukrainas dhe Champions League 2022-23. FIFA gjithashtu na detyroi të paguanim detyrimet kontratuale për ata lojtarë që ne nuk i kishim më. Na thanë se ajo që po ndodhte nuk ishte përgjegjësi e tyre. E se nëse nuk do të paguanim transfertat e lojtarëve të liruar, do të na hiqnin licencat, nuk do të mund të luanim në Evropë. Askush nuk dukej se e kuptonte se lufta i vuri klubet ukrainase në rrezik të zhdukjes”.

PARATË PO I MARRIN KLUBET E TJERA

“Sipas shtojcës – vazhdoi Palkin – një nga lojtarët tanë (Teté) nënshkroi falas për Lyon kur kishte një vit të mbetur në kontratën e tij me ne. E gjashtë muaj më vonë Lyon e huazoi te Leicester. Për këtë arsye ata bënë një faturim prej 1 milion euro. Këto ishin paratë tona! Ia kërkuam FIFA-s dhe ata nuk reaguan. Një rast tjetër është Salomon: vlera e tij në treg, sipas Transfermarkt, është 20 milionë. Është klubi ynë që e ka gjeneruar atë vlerë, duke nënshkruar kur ai nuk kishte eksperiencë dhe duke e bërë atë të luajë në Champions. E tani Tottenham e merr me parametër zero dhe FIFA e mbështet. FIFA thotë se në futboll ne jemi një familje, por sot Shakhtar është jashtë asaj familjeje”.



Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *