Porto fitoi, arriti Barcelonën në vendin e parë dhe është një hap pranë kualifikimit në 1/8 e Champions League. Mbrëmje feste në Dragao, edhe për veteranin Pepe, që rrëmbeu një rekord absolut në ndeshjen kundër Antwerp.
Mbrojtësi i Porto shënoi golin e sigurisë, që e bëri rezultatin 2-0 kundër Antwerp. Pepe u bë kështu lojtari më i vjetër që ka shënuar ndonjëherë në kompeticionin më të rëndësishëm europian për klube. Ish-lojtari i Real Madrid thyen kështu rekordin e mbajtur nga Francesco Totti. Ish-kapiteni i Romës mbante krenarinë e të qenit lojtari më i vjetër që shënonte në Champions League.
Lexo më tej: Video/ Nata yjore e Leao e Giroud: Milan mposht Psg, Atletico e Manchester City të pamëshirshëm
Në vitin 2014, Totti shënoi kundër CSKA Moskë, në moshën 38 vjeç e 59 ditë. Ndërsa tani, kundër Antwerp nëntë vjet më vonë, Pepe arriti të thyente rekordin, duke shënuar në moshën 40 vjeç e 254 ditë. Falë këtij suksesi, në fakt, Porto shkon në kuotën e 9 pikëve në Grupin H, po kaq sa ka edhe Barcelona.
40 – At 40 years and 254 days, Pepe tonight became the first player aged 40+ to score a UEFA Champions League goal. Eternal. #PORANT pic.twitter.com/X5I9TnMTim
— OptaJoe (@OptaJoe) November 7, 2023