Emisari i Bashkimit Evropian për dialogun Kosovë – Serbi, Miroslav Lajçak ka reaguar në platformën X për takimet që ka pasur ndaras në Bruksel me kryenegociatorin e Kosovës për dialogun, Besnik Bislimi dhe kryenegociatorin serb, Petar Petkoviç. Lajçak thotë se është folur për përparimin e një sërë çështjeve në agjendën e dialogut.
“Sot prita kryenegociatorët, të Kosovës, Besnik Bislimi dhe atë të Serbisë, Petar Petkoviq, për një raund të takimeve të dialogut në Bruksel. Diskutimet tona ishin të dobishme për të bërë përparim në një sërë çështjesh në agjendën tonë”, – ka shkruar Lajçak.
Kohët e fundit dialogu po zhvillohet në nivelin më të lartë mes Kosovës dhe Serbisë. Për këtë janë angazhuar liderë të shteteve si të Gjermanisë, Francës, Italisë, por edhe emisari amerikan për Ballkanin Perëndimor, Gabriel Escobar.
Marrëveshja e Brukselit dhe anekesi i Ohrit ka gjetur pajtim në aspektin deklarativ, por kryeministri i Kosovës, Albin Kurti, ka deklaruar se presidenti serb, Aleksandër Vuçiq po refuzon nënshkrimin. ©LAPSI.al
Today, I hosted the Chief negotiators of Kosovo @BislimiBesnik and Serbia @PetkovicPetar for a round of Dialogue meetings in Brussels. Our discussions were helpful to make progress on a number of issues on our agenda. pic.twitter.com/4zpkH0wbrM
— Miroslav Lajčák (@MiroslavLajcak) November 16, 2023