Një automjet ka dalë nga rruga dhe është përmbysur në Qafën e Gjinos, në rrugën Sarandë – Kardhiq. Mjeti i aksidentuar është me targa rumune.
Aksidenti ka ndodhur gjatë orëve të natës, ndërsa deri tani nuk është gjetur personi i cili udhëtonte me këtë automjet. Pas aksidentit, drejtuesi ka braktisur mjetin dhe është larguar nga vendngjarja. Policia ka nisur hetimet për zbardhjen e ngjarjes dhe shkakun e aksidentit.