Jude Bellingham ishte protagonisti absolut i Real Madrid-Napoli me gola dhe asiste. Anglezi dha gjithashtu një shfaqje të vërtetë në fund të ndeshjes, i intervistuar nga Alessia Tarquinio për Amazon Prime. Napoli nuk arriti të imponohej përballë Real Madrid në Santiago Bernabeu, pavarësisht paraqitjes së mirë. Veprimet e lojtarëve individualë të Madrid ishte e tepërt për mbrojtjen e Napolit.
Bellingham dhe shokët e tij, megjithatë, dhanë një performancë të një niveli tjetër. Real luajti lirshëm, i nxitur nga shpejtësia e Brahim Diaz, Rodrygo dhe inteligjenca e anglezit. Pa harruar gjeometritë perfekte të Kroos dhe nga asisti brilant i Alaba, pikërisht për Bellingham.
Fantastik edhe asisti i anglezit për Joselu për golin e katërt të mbrëmjes, por veprimet e ish-lojtarit të Dortmund e bënë performancën e tij sublime. Performancë e kompletuar nga intervista në fund të ndeshjes.
INTERVISTA SURREALE ME ALESSIA TARQUINIO
Në fund të ndeshjes Belligham u ndal me gazetaren Alessia Tarquinio për të shkëmbyer disa fjalë për ndeshjen për Prime Video. Megjithatë, intervista mori një kthesë ironike thuajse menjëherë. Anglezi nuk pushonte së foluri dhe gazetares iu desh ta ndërpriste për të përkthyer. Në atë moment Bellingham lëshon një të qeshur të madhe dhe vazhdoi të qeshë deri në pyetjen tjetër.
Megjithatë, pika kryesore e intervistës ishte përfundimi, ku Alessia Tarquinio i kërkoi lojtarit të Real t’i thotë diçka djalit të saj, që jo gjithmonë sillet mirë.Atëherë Bellingham thotë: “Duhet të sillesh mirë me mamin, sepse nënat janë të rëndësishme për ne”.
Intervista surreale
ti amo Jude pic.twitter.com/N6mGyrpnwS
— Edo K.Thuramiano (@SufferEdo) November 29, 2023