Një 56-vjeçar është vënë në hetim në Dhërmi pasi u kap duke shkarkuar inerte në afërsi të një aksi rrugor. 56-vjeçari po shkarkonte inertet që kishte transportuar me kamion në vendin e quajtur “Kryqëzimi i Perivolos”, duke ndotur kështu mjedisin dhe ajrin.
Specialistët për Hetimin e Krimeve të Komisariatit të Policisë Himarë referuan materialet procedurale në Prokurori dhe nisi procedimi penal për shtetasin F. K., 56 vjeç, banues në Dhërmi.