Në minutat e fundit të ndeshjes Napoli-Fiorentina të Superkupës së Italisë, tifozët sauditë shfaqën një pankartë të madhe ku shkruhej “Lazio m*t”. Një episod thuajse komik, i cili megjithatë bëri që shumë njerëz të pyesin për arsyen e këtij gjesti nga tifozë që nuk është se mund të kenë urrejtje të tillë për bardhekaltrit.
PARRULLA E ÇUDITSHME NË NAPOLI-FIORENTINA
Teksa në fushë po zhvillohej fitorja 3-0 e Napolit ndaj Fiorentinës, duke i dorëzuar skuadrës së Mazzarrit finalen e Superkupës së Italisë, në tribuna po ndodhte një episod thuajse surreal. Në fakt, në minutën e 95’, turma e vogël saudite e pranishme (vetëm 9000 spektatorë) u tregoi të gjithëve një pankartë të kaltër me fjalët “Lazio m*t”.
Ero allo stadio stasera.
Partita brutta, piatta.
Stadio vuoto, triste.Poi all’improvviso la “perla”.
Completamente no sense.Per distacco, la cosa più bella della serata.
Romanisti, arabi, napoletani? Boh.
Ma davvero ci interessa?!?Ciao frustrati, forza #Lazio!
🦅🤷♂️😂 pic.twitter.com/pzSYfS4PM7— GiGi SSLazio (@GiGiSSLazio) January 18, 2024
MOTIVET E MUNDSHME PËR PARRULLËN
Në një stadium ku spektatorët ishin gjithçka përveç tifozë (njerëz të paguar, sponsorë, nivel drejtues) dhe që nuk kishin asnjë interes për ndeshjen mes Napolit dhe Fiorentinës (në tribunë në fakt ata po shikonin Palestinë-Emiratet e Bashkuara Arabe në Kupën e Azisë), shfaqja e një pankarte kundër Lacios ka një efekt thuajse komik.
Lexo më tej: Video/ Napoli në finale të Superkupës: Simeone e një super Zerbin shkatërrojnë Fiorentinën
Megjithatë, ky gjest mund të ketë ardhur për dy arsye. E para pozicionimi i tyre kundër Maurizio Sarri (i cili që në fillim u ankua se duhet të shkonte në Arabi për të luajtur Superkupën). E dyta, se ishin një grusht tifozësh arabo-romanistë që donin t’u tregonin rivalëve të tyre se ishin të pranishëm edhe në anën tjetër të botës. Në fakt, Roma është një skuadër e ndjekur në Arabi, falë pranisë së Jose Mourinho (deri pak ditë më parë). Pa harruar se, mbi të gjitha, aty ka luajtur Salah në të kaluarën, i cili ende vlerësohet shumë në Lindjen e Mesme.