Real Madrid (pa Bellinghamin e pezulluar) fiton sërish me përmbysje në javën e 22 të La Liga. Las Palmas mposhtet 2-1 në Gran Canaria, duke u dorëzuar vetëm në fund. Golit të Munoz, që në të 53′ shënoi me asistin e Sandro Ramirez, iu përgjigj e majta e Vinicius në minutën e 66′ dhe goditja me kokë e zëvendësuesit Tchouameni, në minutën e 84′. Girona kthehet kështu në -2 nga Blancos, të parët. Përfundon 0-0 ndeshja mes Real Sociedad dhe Rayo Vallecano.
LAS PALMAS-REAL MADRID 1-2
El Haddadi iu afrua golit pas disa sekondash, pas një goditje këndi. Skuadra e Ancelottit u përgjigjet menjëherë me Rodrygo, por Valles reagoi ndaj tentativës së brazilianit. Kroos sfidon sërish portierin me një goditje dënimi nga distanca. Ndërsa Cardona në minutën e 34′ mund të kalonte në avantazh vendasit por goditi lart. Në fund të pjesës së parë, Vinicius ndizet, duke u përpjekur në dy raste, por pa mundur të thyejë ngërçin para fishkëllimës së fundit.
Las Palmas kaloi në epërsi në fillimin e pjesës së dytë. Sandro Ramirez dhe Munoz ndërtuan një aksion fantastik, me ish-lojtarin e Barcelonës që, pasi kaloi edhe Rudiger, asistoi shokun e skuadrës në zonën e vogël. Goli i barazimit merengues u nënshkrua në minutën e 66′ nga Vinicius. Braziliani shfrytëzoi një asist të Camavinga dhe ekuilibroi rezultatin. Madrid shtyu për të kompletuar një tjetër rikthim të sezonit dhe ia doli në minutën e 84′. Tchouameni (i cili sapo kishte hyrë në fushë) goditi në mënyrë perfekte me kokë, në zhvillimet e një këndore, duke vendosur ndeshjen. Real ngjitet në krye me 54 pikë, dy më shumë se Girona (që luan nesër), ndërsa vendasit mbeten në kuotën e 31 pikëve.
REAL SOCIEDAD-RAYO VALLECANO 0-0
Rrjeta të paprekura në ndeshjen mes baskëve dhe Rayos, me vendasit që mbeten -5 nga vendi i katërt. Barrenetxea i besoi tandemit sulmues André Silva-Sadiq, por asnjëra skuadër nuk prodhoi raste të rëndësishme shënimi në pjesën e parë. Në fakt, deri në kohën shtesë kur Zubimendi dhe Galan ishin afër avantazhit për Sociedad. Pjesa e dytë e lojës vazhdoi të mos jepte mundësi të qarta shënimi, me një ekuilibër që u ruajt deri në bilbilin e fundit. Nga një pikë për dy ekipet, që i ngjit miqtë në 24 pikë, ndërsa Sociedad në 36.