Përralla e përjetuar nga Girona në Spanjë, rrezikon të prishë ëndrrat për Champions League të kampionëve në fuqi, Manchester City. Kampionati madhështor i skuadrës së Michel, i dyti me gjashtë pikë përpara Barcelonës (që ka një ndeshje më pak), në fakt i rrezikon pjesëmarrjen në Champions League me formatin e ri klubit anglez. Kjo sepse City, ashtu si Girona, është në pronësi të holding City Football Group të Abu Dabit. Në fakt, rregullat e UEFA-s janë shumë të qarta në këtë drejtim dhe neni 5 përcakton se “asnjë person fizik apo juridik nuk mund të ketë kontroll apo ndikim mbi më shumë se një klub që merr pjesë në një kompeticion klubesh të UEFA-s”.
Nëse City dhe Girona, siç duket e mundshme, kualifikohen në edicionin e ardhshëm të Champions League, një nga të dy mund të zbresë në Europa League. Rregullat aktuale të UEFA-s përcaktojnë se përparësi i jepet skuadrës që renditet më lart në kampionatin kombëtar. Me Girona që udhëton drejt vendit të dytë, City nuk duhet të gabojë. Sidoqoftë, nëse të dyja skuadrat përfundojnë në të njëjtin pozicion në kampionatin e tyre përkatës, atëherë ajo që ka një koeficient më të lartë UEFA – në këtë rast City – do të kualifikohet.
Lexo më tej: Video/ Vinicius e Bellingham shkatërrimtarë: Real asfalton 4-0 Girona dhe arratiset +5
Precedentët që fillimisht kishin të bënin me Salzburg dhe Leipzig (nën ombrellën e Red Bull) dhe më pas me Toulouse dhe Milan (RedBird), megjithatë, mësojnë se është e mundur, nëpërmjet rregullimeve të brendshme ose ndryshimeve në Bordin e Drejtorëve dhe më gjerë, të marrësh pjesë në të njëjtin kompeticion të UEFA-s edhe për ekipet me të njëjtën pronësi.
How Girona pulling off the ultimate footballing fairytale could be a Champions League nightmare for Man City https://t.co/Zhn5tWbBUEhttps://t.co/Zhn5tWbBUE
— The Sun Football ⚽ (@TheSunFootball) January 24, 2024