Një 39-vjeçar me inicialet A. K., nga Kosova është arrestuar në pikën kufitare në Morinë pasi u kap me sasi lënde narkotike në automjet.
Gjatë kontrollit mësohet se u gjetën 11 kilogramë lëndë narkotike e dyshuar heroinë e ndarë në pako, e cila u sekuestrua në cilësinë e provës materiale, së bashku me automjetin e 39-vjeçarit.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Kukës, për veprime të mëtejshme.