• |
ide | kryesore

Krimi horror, zbardhet dëshmia e djalit: E zhveshëm dhe e mbështollëm me plasmas, pastaj e varrosëm natën në kasolle

Arkiva, Lajme, Të fundit



Kishin planifikuar gjithçka, por jo metodat gjithëpërfshirëse të policisë për të zbardhur një ngjarje.

Ishte e shtunë, kur ndodhi vrasja, që u raportua si humbje e babait nga djali që qëlloi 4 herë mbi të. Ishte kohë dreke e datës 10 shkurt, kur Pëllumb Meta, baba i katër fëmijëve, sipas deklaratës së djalit të madh dhe vajzës të tij, ishte shtrirë për të marrë një sy gjumë para se të nisej për në punë.

Të tre fëmijët e viktimës janë të arrestuar tashmë, së bashku me nënën e tyre që ndiqet penalisht në gjendje të lirë.

Në polici janë shprehur se i kanë dhënë fund një kalvari vuajtjesh brenda familjes, ndonëse një kalvar tjetër ka nisur për ta.

Vendimi për të fejuar motrën e vogël Hygertën 19 vjeçe, studente e gjuhëve të huaja, i kishte rritur tensionet në familje sërish.

Hysen Meta ka rrëfyer se donin që ai të ishte një baba si të gjithë të tjerët, që t’i mbështeste dhe jo t’u imponohej në gjithçka. Ishin të rritur tashmë dhe sërish nën diktatin e tij. E çuan nga gjumi.

“Qëllova mbi të. E qëllova disa herë. Nuk u përmbajta më. Bashkë me motrën e futëm në plastmas. Donim të fshihnim gjurmët. E zhveshëm dhe e mbështollëm me plasmas. Më vonë në mbrëmje e çuam te kasollja ku hapëm gropën dhe aty e varrosëm.

E zhvendosa makinën e tij te sektori Rinia dhe u ktheva me vëllain që kishte marrë mjetin e një të njohuri e më kishte ndjek.

Mbrëmjen e 13 shkurtit u paraqita në polici dhe denoncova humbjen e kontakteve me babain. Ishte e rëndë, por ndodhi. As frymë nuk merrnim dot lirisht në shtëpi po të mos donte ai.”



1 Comment

  1. Tani që e vranë , po këputim broçkulla se sa i lig paska qën ! Ai paska punuar natën i shkreti që e bija të shkollohet , dhe imagjino sa lek duhen sot për tu shkolluar ! Këta të gjith si pa shënja e të nxira po më duken . Si kokrra e mollës qënkan ! Po arsye është , do më fejonte me zor dhe e vrava ?! Po na çuditën dhe këta që komentojn ! Prindi nuk duhet të interesohet për të martuar fëmijët , po duhet ti martoj lagjia , apo bota , apo duhen martuar rrugëve dhe internetrave , apo do ti martoj partia si dikur !

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *