Juventus mposhti 3-2 Frosinonen në ndeshjen e drekës së javës së 26 të kampionatit dhe rifitoi tre pikët pas 4 ndeshjesh pa fitore. Bardhezinjtë e zhbllokuan ndeshjen pas vetëm 3′ me Vlahovic, por u arritën dhe u tejkaluan me golat e Cheddira (14′) dhe Brescianini (27′). Dy gabime të rënda në mbrojtje që i kushtuan përmbysjen teknikut Allegri, që ndryshe nga sa mendohej u rreshtua edhe njëherë me të preferuarin 3-5-2. Vlahovic mendoi të mbante në këmbë skuadrën e Max Allegri, duke shënuar dygolëshin personal në minutën e 32′.
Në pjesën e dytë vendasit u përpoqën të bënin presion, por e bënë këtë në mënyrë të çorganizuar dhe joefektive. Për fatin e tyre, në sulmin e fundit u shpërblyen me devijimin e mbrojtësit Rugani në zhvillimet e një goditje këndi. Allegri mund të marrë frymë përsëri.
Lexo më tej: Dy humbje e një barazim e bëjnë Juventusin për psikolog: Allegri kërkon ndihmën e profesionistëve
FT | ⌛️ | Victory at home! #JuveFrosinone pic.twitter.com/9Wx0I8e0F0
— JuventusFC 🇬🇧🇺🇸 (@juventusfcen) February 25, 2024
Në frymën e fundit Juventus rikthehet te fitorja. Në Allianz Stadium përfundoi 3-2 kundër Frosinones. Bardhezinjtë ndërprenë kështu serinë e katër ndeshjeve radhazi pa gëzimin e tre pikëve dhe konsoliduan vendin e dytë, me 57 pikë. Në Torino vendasit kaluan në avantazh në minutën e 3′ me Vlahovic dhe më pas pësuan një parakalim befasues nga Frosinone. Cheddira shënoi në minutën e 14′ dhe Brescianini në minutën e 27′. Barazimi erdhi edhe njëherë nga i zakonshmi Vlahovic, në minutën e 32′. Golin e fitores e shënoi Rugani në minutën e 95′, atëherë kur as vetë Allegi nuk po shpresonte më.