Karriera e José Mourinho është e mbushur me suksese që e kanë çuar në majat e futbollit botëror. Një karrierë, megjithatë, e shënjuar edhe nga disfata të hidhura. Mes tyre, ajo kundër Bayern Munich (si trajner i Real Madrid) në ndeshjen e dytë gjysmëfinale të Champions League 2011-12. Një ndeshje që portugezi e mban mend mirë, si rastin e vetëm në të cilin shpërtheu në lot në makinë, teksa kthehej në shtëpi.
“KAM QARË NË MAKINË PARA SHTËPISË SIME”
“Ajo natë ishte e vetmja herë në karrierën time kur qava pas një disfate”, tha Mourinho në intervistën për Prime Video Sport. “E mbaj mend mirë atë moment, unë dhe Aitor (Karanka, zëvendësi i tij te Real Madrid, red.) shpërthyem në lot në makinë, para shtëpisë sime. Ishte shumë e vështirë, sepse ishim më të mirët atë vit”.
Lexo më tej: Mourinho ndez polemikat: “Më flakën nga Roma për fajin e dikujt që kupton pak nga futbolli”
TELEFONATA E MENDES
“Ndërsa po kthehesha në shtëpi, më telefonoi Mendes (menaxheri i CR7, red.). Ai më kërkoi të shkoja në shtëpinë e Cristianos sepse ai ishte shumë i dëshpëruar pas disfatës. Në atë moment u përgjigja: , por thava lotët e mi dhe shkova në shtëpinë e tij, të dy ishim të shkatërruar”.
The only time José Mourinho cried after a game.
The one game that will always hurt… 💔
— MadridistaTV (@madridistatvYT) February 28, 2024