Kristjan Asllani po e shfrytëzon si duhet mundësinë që po i jepet, në pritje të Calhanoglu. Pas asistit në ndeshjen e fundit, vjen edhe goli i parë me fanellën e Inter për mesfushorin e kombëtares. Në minutën e 31′ të ndeshjes ndaj Genoa, Asllani zhbllokoi rezultatin, duke kaluar në avantazh zikaltrit e teknikut Inzaghi.
Një asist i Alexis Sanchez, nxorri mesfushorin të vetëm përballë portierit kundërshtar. E djathta e lojtarit kuqezi përfundoi nën traversë, duke tundur rrjetën pas shpinës së portierit Martinez. Goli i parë për zikaltrit nga Asllani, në ndeshjen e tretë radhazi si titullar në Serie A. Më parë djaloshi kuqezi kishte shënuar në kampionatin elitar italian vetëm me fanëllën e Empolit, duke ndëshkuar për ironi të fatit pikërisht Interin.
🇮🇹 Goal: Kristjan Asllani | Inter 1-0 Genoa | 🅰️ Lautaro Martínezpic.twitter.com/OChd3TWTH9
— FootColic ⚽️ (@FootColic) March 4, 2024