Avionët luftarakë izraelitë kanë shkatërruar konsullatën iraniane në Damask, duke vrarë gjashtë persona, duke përfshirë një komandant të lartë të Korpusit të Gardës Revolucionare iraniane (IRGC).
Gazetarët në vendin e ngjarjes në lagjen Mezzeh të kryeqytetit sirian panë tym që dilte nga rrënojat e një ndërtese që ishte rrafshuar dhe makinat e urgjencës të parkuara jashtë. Në vendin e ngjarjes u panë të dy ministrat e jashtëm sirian dhe iranian.
Media shtetërore iraniane tha se Mohammad Reza Zahedi, një komandant i lartë i IRGC, ishte në mesin e të vdekurve. Një zëdhënës i ushtrisë izraelite tha: “Ne nuk komentojmë raportet në mediat e huaja”.
(Televizioni shtetëror sirian konfirmoi se ndërtesa e konsullatës ishte sulmuar)
Ministri i Jashtëm i Sirisë, Faisal Mekdad, denoncoi sulmin, duke thënë se ai nuk do të ndikojë në lidhjet midis dy aleatëve.
“Ne e dënojmë fuqishëm këtë sulm të tmerrshëm terrorist që goditi ndërtesën e konsullatës iraniane në Damask duke vrarë një numër njerëzish të pafajshëm”, tha Mekdad në një deklaratë të transmetuar nga Sana, agjencia zyrtare e lajmeve e Sirisë.
“Eniteti pushtues izraelit nuk do të jetë në gjendje të ndikojë në lidhjet midis Iranit dhe Sirisë”, shtoi ai.
Mediat iraniane raportuan gjithashtu se sulmet në Damask shkatërruan plotësisht ndërtesën anash konsullatës, por ambasadori ishte i padëmtuar.
“Hossein Akbari, ambasadori i Republikës Islamike të Iranit në Damask, dhe familja e tij nuk u lënduan në sulmin izraelit”, tha agjencia e lajmeve Nour.
(Mediat iraniane raportuan se një ndërtesë anekse e konsullatës ishte shkatërruar)
Që nga sulmi i fraksionit palestinez të mbështetur nga Irani, Hamasi, ndaj Izraelit më 7 tetor, Izraeli ka shtuar sulmet ajrore në Siri kundër milicisë libaneze të Hezbollahut të mbështetur nga Irani dhe IRGC-së, të cilat të dyja mbështesin qeverinë e presidentit sirian, Bashar al-Assad.
Observatori Sirian për të Drejtat e Njeriut me bazë në Mbretërinë e Bashkuar tha: “Raketat izraelite … shkatërruan ndërtesën anash ambasadës iraniane … në Damask, duke vrarë gjashtë persona.”
Agjencia zyrtare e lajmeve siriane Sana raportoi më herët se “sistemet tona të mbrojtjes ajrore u përballën me objektivat e armikut në afërsi të Damaskut”.
Incidenti erdhi disa ditë pasi Observatori raportoi për sulmet izraelite në Siri që vranë 53 njerëz, duke përfshirë 38 ushtarë dhe shtatë anëtarë të Hezbollahut. Ky ishte numri më i lartë i viktimave në ushtrinë siriane nga sulmet izraelite që nga fillimi i luftës Izrael-Hamas më 7 tetor.
The Guardian, përshtati në shqip ©LAPSI.AL
ca karin dun cifutet me nje vend sovran si siria?