Një sherr me thika ka ndodhur pasditen e djeshme në rrugën Llogara-Palasë. Policia ka shpallur në kërkim një të ri me inicialet E. Ç., ndërsa vëllai i tij është në hetim në gjendje të rlirë.
Njoftimi i Policisë
Një konflikt mes 4 personave që ka degraduar deri në përdorimin e mjetit prerës ka ndodhur ditën e djeshme në aksin Llogara-Palasë.
Policia njofton se si pasojë e ngjarjes, ka nisur procedimi në gjendje të lirë për 46-vjeçarin me iniciale A.Ç. dhe është shpallur në kërkim vëllai i tij, 33-vjeçari me iniciale E.Ç. Ky i fundit, dyshohet se për motive të dobëta së bashku me vëllanë e tij janë konfliktuar fillimisht fizikisht me shtetasit K. A., 40 vjeç dhe S. A., 37 vjeç (vëllezër).
Më pas, sipas policisë, 33-vjeçari ka dëmtuar me mjet prerës 2 vëllezërit, të cilët janë jashtë rrezikut për jetën. Materialet procedurale i kaluan Prokurorisë, për veprime të mëtejshme.