• |
ide | kryesore

Ndalimet e qytetarëve dhe policëve të Kosovës nga Serbia, reagon DASH: Arbitrare! Veprime përshkallëzuese

Arkiva, Lajme, Të fundit



Departamenti amerikan i Shtetit i ka bërë thirrje Serbisë të vetëpërmbahet nga veprimet e njëanshme dhe të pakoordinuara, dhe ka thënë se pret lirimin e menjëhershëm të zëvendësdrejtorit të Policisë së Kosovës, Dejan Jankoviç.

Në një përgjigje për Radion Evropa e Lirë, DASH u bëri thirrje autoriteteve serbe të veprojnë me transparencë dhe në përputhje të plotë me ligjin në lidhje me qytetarët kosovarë të ndaluar në Serbi dje.

“Ndalimet arbitrare apo padrejtësisht të gjata, posaçërisht nëse cak i tyre janë oficerët e Policisë së Kosovës, do të shihen si veprime përshkallëzuese që dëmtojnë paqen dhe stabilitetin”, tha një zëdhënës i Departamentit të Shtetit për Radion Evropa e Lirë më 18 prill.

Sipas autoriteteve kosovare, Serbia ndaloi mbi 1.400 kosovarë, teksa po kalonin transit nëpër Serbi.

Në mesin e të ndaluarve ishin edhe dhjetë zyrtarë policorë.

Autoritetet thanë se nëntë zyrtarë policorë janë liruar, ndërkaq ndaj Dejan Jankoviq, Serbia ka caktuar masën e paraburgimit prej 48 orësh nën akuzën për prishje të rendit kushtetues të Serbisë./REL



1 Comment

  1. KY ESHTE NIVELI FORMIMIT SHPIRTERORE ,DHE VLERAVE SERBE ,VETEM ANTIVLERA, ME KETO ANGAZHIME TASHME LIDERSHIPI SERB TEGON SE SJAN NJEREZ POR FORMAT NJERZOR thotë:

    A FATKEQESI PER NJE POPULL QE VOTON UDHEHEQES MIZOR I USHQEN MBAN PASURON ,DHE SE FUNDEMI AI LIDERSHQIP PO I HAP VARRIN POPULLIT TE VET ,

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *