Berat Gjimshiti zhvilloi një tjetër paraqitje mbresëlënëse me Atalantën në UEFA Europa League. Ashtu si në Anfield Road, mbrojtësi shqiptar i bergamaskëve ishte pikë force edhe në sfidën e dytë çerekfinale ndaj Liverpool. Një nga faktorët kryesorë, që bënë zikaltrit të siguronin kualifikimin historik për në gjysmëfinalet e këtij kompeticioni.
Kontributi i kapitenit të Kombëtares shqiptare në prapavijë ishte i jashtëzakonshëm. Gjimshiti ishte i pakalueshëm për Nunez, Salah, apo cilindo nga ofensiva e Reds që u mundua të kalonte në ato anë. Ai ndali aksionet e rrezikshme të lojtarëve të Liverpoolit dhe në fund u përzgjodh nga UEFA si lojtari më i mirë i sfidës.
Nuk mbaroi me kaq, vlerësimi për qendërmbrojtësin. UEFA hapi votimin për të zgjedhur edhe lojtarin më të mirë të raundit të dytë të çerekfinaleve të Europa League. Gjimshiti ishte më i votuari dhe kapiteni i Kombëtares shqiptare mundi Jordan Veretout, Gianluca Mancini dhe Matej Kovar që shkëlqyen me paraqitjet e tyre, por jo mjaftueshëm për të kaluar atalantinin.
Berat Gjimshiti produced a #UELPOTW performance to help Atalanta secure an historic semi-final spot 🥇✅@hankookreifen || #UEL pic.twitter.com/TDB2LiLDak
— UEFA Europa League (@EuropaLeague) April 19, 2024