Ish-presidenti i Inter Massimo Moratti u kthye të flasë për Inter dhe marrëveshjen e re të arritur nga Zhang për të mbajtur klubin. Por në mënyrë të pavullnetshme ai zbuloi edhe arsyen përse presidenti zikaltër nuk do të jetë në Itali për festën e titullit.
Në derbin me Milan, zikaltrit mund të fitojë kampionatin e njëzetë në histori. Skuadra e teknikut Inzaghi duhet të fitojë që të mund të festojë kampionatin dhe yllin e dytë në San Siro. Megjithatë, mungesa e fitores ndaj kuqezinjve nuk do të ishte problem për Inter, që e ka në xhep fitoren përfundimtare.
Milano zikaltër është duke u përgatitur për festën. Ai që nuk do të marrë pjesë aty do të jetë Steven Zhang, presidenti i Inter. Zhang, pasi ka marrë një hua nga një tjetër fond investimi, për të shlyer atë me Oaktree dhe për të mbajtur klubin, ka mbetur ende në Kinë. Ai tashmë ka bërë të ditur se nuk mund të kthehet në Itali për të festuar me skuadrën.
MORATTI JEP PADASHUR INFORMACIONE PËR ZHANG
Ish-presidenti i zikaltërve Massimo Moratti foli për këtë në Radio 24 dhe tha: “Si e mirëpres këtë lajm? Mirë, sepse nuk e di kurrë se si do të jetë pronari i ri dhe më duket se Zhang ka sjellë shumë rezultate të shkëlqyera. Presidencat maten me fitore dhe më duket se ka pasur të drejtë që ka lënë njerëzit e tij të punojnë. Pastaj që është i detyruar të qëndrojë në Kinë, dhe nuk mund të vijë në Itali, nuk është faji i tij, me pak fjalë, kaq.
🎙️#Moratti: "#Zhang resta? Bene. Non sai mai il nuovo come sia e Zhang mi sembra che abbia portato a casa un sacco di ottimi risultati. Poi che sia costretto a stare in Cina, non è colpa sua"
— Tutti Convocati (@tutticonvocati) April 21, 2024
Kështu, ka një ndalim nga Kina për kthimin e Zhang në Itali dhe nuk është se presidenti zikaltër dëshironte të qëndronte atje për të menaxhuar grupin Suning, siç mendohej deri më tani.