Lazio mposhti Juventus në Olimpico në rikthimin e gjysmëfinales së Kupës së Italisë, por bardhezinjtë shkuan në finale. Bardhekaltrit u imponuan 2-1, por djemtë e Allegrit mund të buzëqeshin falë suksesit të ndeshjes së parë (2-0 për bardhezinjtë). Castellanos iluzionoi romanët me një dygolësh mes pjesës së parë dhe të dytë (12′ dhe 48′). Më pas Milik me topin e parë të prekur (82′) u dhuroi atyre kalimin në kapitullin e fundit të Kupës së Italisë dhe gjithashtu kualifikimin për në Final 5 të Superkupës. Tani bardhezinjtë presin të zbulojnë se kush mes Atalantës dhe Fiorentinës do të jenë sfiduesit në finalen që do të luhet më 15 maj në Olimpico të Romës.
Lexo më tej: Vlahovic snobon PSG: “Dua të fitoj me Juventus, pastaj të shohim”
Një Lacio e mirë fiton, por një Juve që nuk dorëzohet kurrë shkon në finale. Gjysmëfinalja e kthimit e Kupës së Italisë përfundoi me fitoren 2-1 të Lacios. Rezultat që nuk mjaftoi për të përmbysur 2-0 në Stadium në favor të bardhezinjve. Kështu, Allegri do të ketë shansin për të fituar një trofe më 15 maj në Olimpico kundër fituesit të Atalanta-Fiorentina. Sidoqoftë aksesi në Superkupë është tashmë një realitet. E ishte vetë trajneri i Juventus, falë ardhjeve të Ëeah dhe Milik, që arrin të ringjallë një ndeshje që kishte shkuar shumë keq. Lazio largohet me shumë keqardhje. Si për humbjen 2-0 në ndeshjen e parë (të realizuar në një pjesë të dytë katastrofike) ashtu dhe për paraqitjen në Olimpico, pothuajse perfekte, pavarësisht disa gabimeve në mbrojtje, një prej të cilave rezultoi në golin kualifikues të Milik, pas dygolëshit të Castellanos, do ta çonte ndeshjen në kohën shtesë.