• |
ide | kryesore

Berisha-Ramës: Në Itali shkove si padrino i Arben Ndokës, Xhelal Rrajës, Durim Bamit, Behar Bajrit… Shkove si shpopulluesi më i madh i Shqipërisë

Arkiva, Lajme, Të fundit
berisha


Sali Berisha gjatë fjalës së tij para mbështëtësve poshtë pallatit ka komnetuar takimin e zhvilluar sot në Milano nga kryeministri Rama me shqiptarët e diasporës në Itali. Berisha gjatë fjalës së tij u shpreh se Rama shkoi në Itali si përfaqësuesi i narkoshtetit të parë dhe të vetëm në Europë.

Ai shtoi se kryeministri ishte në Itali, si padrinoja i Arben Ndokës, Xhelal Rrajës, Pëllumb Gjokës, Behar Bajrit, i Durim Bamit, Emiliano Shullazit e Avdylve’ Troplinve dhe Gentian Xhixhes, e Luftim Hysës së sinaloas në Meksikë. Berisha tha se Rama shkoi në Itali shkoi si hajduti më i madh i popullit që ka shkelur ndonjëherë atë tokë. Kreu i PD-së tha se ai në Milano shkoi si armiku më i egër i kombit, si mashtruesi me ordiner që ka shkelur në gadishullin e Apenineve.

Fjala e plotë:

Edi Rama në Itali shkoi si përfaqësuesi i narkoshtetit të parë dhe të vetëm në Europë. Ai ishte sot në Itali, si padrinoja i Arben Ndokës, Xhelal Rrajës, Pëllumb Gjokës, Behar Bajrit, i Durim Bamit, Emiliano Shullazit e Avdylve’ Troplinve dhe Gentian Xhixhes, e Luftim Hysës së sinaloas në Meksikë. Ai ishte sot në Milano si turisti i Arubës, si pasagjeri që në dy vite ka kryer me avion e tij 141 udhëtime dhe që ka transportuar qindra e qindra baule diplomatike, brendia e të cilave shumë shpejt se do të dalë.

Edi Rama në Itali shkove si hajduti më i madh i popullit tënd, që ka shkelu ndonjëherë atë tokë.
Në Milano shkove si armiku më i egër i kombit tënd, shkove si mashtruesi me ordiner që ka shkelur në gadishullin e Apenineve, shkove si delinkuent i arrestuar në aeroportet e atij vendi dhe të vendeve të tjera.

Edi Rama, në Itali shkove si Pashiqi i shqiptarëve, si Çubrilloviçi shqipfolës që sipas Eurostarit dhe jo sipas opozitës o mashtrues ordiner, në 10 vjet ke larguar nga Shqipëria 1.1 milion shqiptare dhe po sipas Eurostatit, ke renditur Shqipërinë të dytën në bote pas Sirisë për largimin prej saj të të rinjve nën 18 vjeç. Eurostati o mashtrues është institucioni zyrtar i BE-së për statistikat. Nuk është i opozitës dhe as i qeverisë.

Por dhe të njëjtën gjë thonë të dhënat e vërteta të regjistrimit të përgjithshëm të popullatës, të cilat nga tetori gjer, ditë e natë me falsifikatorë, hordhi falsifikatorësh përpiqesh ti shtosh, ti manipulosh, në kohë kur ato tregojnë se Shqipërinë e përgjysmove, se sot në Shqipëri jetojnë 1 milionë e 420 mijë shqiptarë. Shpopullimi i Shqipërisë është akti më makabër, akt që tejkalon barbaritë e çdo pushtuesi në shekuj e mijëvjeçar. Shpopullimi është krimi yt madhor i njerëzimit kundër shqiptarëve. Kurrë shqiptarët dhe as historia nuk do ta fal.


2 Comments

  1. ne Itali Edi Rama u prit nga mijra shqiptare brenda dhe jashte stadiumit Ti malok mbledh vetem 15 bythgrisur poshte dritares se hales tende

    1. Është idioteske që të vlerësosh në Shqipëri liderët se sa njerëz mund të mbledhin duke abuzuar me simbolet e patriotizmit, flamurin e hymnin kombëtar e paratë e taksapaguesve shqiptarë.
      Le të kujtojmë se sa shqiptarë mblidhte ish Partia e Punës me lider diktatorin më të egër komunist në Europë, Enver Hoxha, pikërisht duke abuzuar me patriotizmin socialist dhe urrejtjen ndaj gjithë botës
      Se sa reale ishte “dashuria” për diktatorin komunist shqiptar, nëse shohim pamjet e filmuara të dyndjeve të shqiptarëve në ambasadat e perëndimit, qindra mijë të tjerëve që rrezikonin jetën e tyre duke hypur në vaporet që shkonin drejt Italisë me pesë fishin e kapaciteteve të tyre apo qindra mijërave që u mblodhën në sheshin Skënderbe për të rrëzuar e hequr zvarë bustin e Enverit.
      Në Athinë Rama abuzoi me “dashurinë” për të djathtin Mitsotaqis e kritikat për të majtën greke.
      Në Milano abuzoi duke ngritur në qiell kryeministren “neofashiste” Meloni, e duke ju bërë thirrje emigrantëve shqiptarë që të votonin të majtën italiane.
      Në gati një orë të fjalimit të tij “patriotik” në Romë, a e dëgjoi ndokush Ramën që të përmendëte qoftë edhe një herë të vetme shqiptarët e Kosovës e të Maqedonisë që përbëjnë më shumë se gjysmën e kombit tonë e në të njejtën kohë kanë qenë e janë luftëtarët më të paepur për lirinë e pamvarësinë e shqiptarëve ?
      Sa për cilësimin “malok” të Berishës, kjo është një dukuri thellësisht antipatriotike e rrënjosur nga propogandat komuniste, që quanin të tillë gjithë shqiptarët malsorë që ju bënë barrikadë me luftërat e tyre edhe kësaj copë toke të shtetit që quhet Shqipëri.
      Nuk do të kishim sot edhe Shqipërinë e pamvarur londineze, po të mos kishin luftuar për liri “malokët” e veriut, lindjes por edhe të jugut shqiptar(lebërit deri tek suliotët)
      Lidhur edhe me titullin e shkrimit, ajo që nuk më pëlqen tek “maloku” Berisha, është cilësimi prej tij i Prikurorisë së posaçme , SPAK si aspak betëm për motive egoiste.
      Nga njera anë shfrytëzon veprimet e SPAK në luftën kundër krimit e korrupsionit që po ja nxijnë portretin Ramës, e nga ana tjetër sulmon njëlloj edhe SPAK.
      O njera o tjetra se nuk mund të jenë të dyja bashkë.

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *