Nga muaji qershor, blegtorët e fermave të vogla në Lushnjë dhe Fier janë lajmëruar për një rënie tjetër të çmimit të qumështit të lopës dhe të deles, që u grumbullohet nga fabrikat e përpunimit.
Sipas blegtorëve të zonës së Myzeqesë, qumështi i lopës nga fermat e mëdha dhe të mesme po grumbullohet me çmim 65 deri në 67 lekë pa TVSH për litër nga 78 lekë pa TVSH që ishte më parë. Ndërsa nga fermat e vogla, qumështi po grumbullohet me çmim 60 lekë pa TVSH për litër.
Blegtorët e fermave të vogla pohuan se nga muaji qershor janë lajmëruar nga grumbulluesit se qumështi i lopës do t’u blihet me 55 lekë për litër pa TVSH apo 15% më pak sesa shitet.
Rënie e çmimit është lajmëruar edhe për qumështin e deles, nga 120 lekë për litër pa TVSH që shitet aktualisht, çmimi pritet të bjerë në 100 lekë për litër pa TVSH apo 16% më pak.
Rënie e çmimeve të qumështit është lajmëruar edhe nga grumbulluesit e zonës së Korçës, sipas Taulant Pupës drejtuesit të fabrikës së përpunimit të qumështit “Vita 2001” në Nizhavec të Pogradecit.
“Është lajmëruar për një rënie të çmimit të qumështit të lopës nga 60 lekë në 57 lekë për litër pa TVSH, të deles nga 140 në 130 lekë për litër pa TVSH, dhe të dhisë nga 90 lekë në 80 lekë për litër pa TVSH ”, tha ai.
Ervin Resuli ekspert i bujqësisë pohon se çmimi i grumbullimit të qumështit të lopës 55 lekë për litër është i barabartë me koston ushqyese të kafshëve.
Sipas tij në ditë vetëm për ushqimin e një lopë fermeri shpenzon 1,200 deri 1,300 lekë, ndërsa fitimi neto, pa përfshirë kostot e fermerit për mbajtjen e fermës dhe shlyerjen e kredive, llogaritet të arrijnë deri 3 euro në ditë apo rreth 1 mijë euro në vit.
Ervin Resuli parashikon se rënia e çmimit të qumështit veçanërisht të të imtave do të sjellë tkurrje të tufave të bagëtive dhe falimentime te blegtorët.
“Në 2023 kur qumështi i të imtave i prodhuar nga fermeri u shit me çmime të larta prej 120 deri 180 lekë, shtoi numrin e krerëve të të imtave, pasi për fermerin ishte e leverdishme mbajtja e bagëtive. Për vitin 2024 kemi rënie të çmimit të qumështit të të imtave, por kemi edhe tkurrje të tufave të të imtave. Nëse fermeri e shet qumështin e deles apo të dhisë nën 140 lekë për litër, për të falimentimi është i garantuar”, nënvizon Resuli.
Në muajin prill për shkak të konfliktit me çmimet nga fabrikat nuk u ble qumësht te fermat e mëdha dhe të mesme. Të vetmit që shisnin qumësht me çmim 60 lekë pa TVSH për litër ishin fermat e vogla.
Ulja e çmimit të shitjes detyroi blegtorët të dalin dy herë në protestë, në mbrojtje të prodhimit tyre, duke kërkuar më tepër subvencione nga shteti shqiptar.
Pavarësisht uljeve të herëpashershme të çmimit, drejtuesit e fabrikave përpunuese pohojnë se çmimi i qumështit të lopës së prodhuar në vend është 38 cent për litër më i shtrenjtë sesa qumështi i importuar si lëndë e parë, nga Sllovenia, Serbia apo Hungaria, dukë përfshirë taksat dhe kostot e transportit.
Si për ekspertët dhe përpunuesit arsyeja kryesore e kostos së lartë të prodhimit vendas mbeten subvencionet e ulëta në vend krahasuar me rajonin./ Monitor
Po zagaret e fabrikave pse nuk i ulin çmimet e djathrave kur grumbullojne qumesht me çmim te ulet?
Sepse per te bere 1kg djath duhen 6-10 litra qumesht.
Eshte totalisht apsurde qe te lejojet importi i qumeshtit te subvecinuar nga shteti.
Nga ana tjeter eshte po aq apsurde qe populli Shqipetare te paguaje mbi 130 Lek/liter, te njejtin cmim qe paguajne vendet e pasura perendimore, ku rrogat jane x3.
Ke te drejte per cmimin. Italia e paguan 0,48 per liter nga stalla (ma pak se ne). Sa i perket djathit, do isha dakord me ty por nese nuk ulin cmimin i bie qe deri tani e kane vere me vaj sole apo e kane mbytur me niseshte, megjithese eshte bere djathi kackavall qe kushttin me shume se parmixhano me 6 muaj stazhonim. per subvencionet, EU ka ndaluar qe prej disa vitesh subvencione ne prodhim dhe ja ka kaluar konsumatoreve..keshtuqe, fakti qe qumeshti ne Eu i pasubvencionuar kushton me pak do me thene shume gjera..Nuk mbahet biznesi e tregu me 10 lope e mercedesi perjashta per pordhe..
Une per kackavallin ke te drejte, nuk dine Shqipetaret me djath kackavall, pastaj une parmeguanon e blej me 25€/kg cilesine e keqe dhe me ~40€/kg cilesine e mire. Nuk besoj se ne Shqiperi eshte me i shtrenjte.
Kur vjen puna te djathi i pare, djathi Shqiptare eshte super dhe madje shume i lire, vetem 10-12€/kg, ndersa ne Gjermani cilesia djathi Grek kushton 20€/kg.
Mblidhuni o fshatarë bashkë dhe shiteni vetë qumështin në treg, shumica e njerëzve nuk i duan këto qumshtet e paketuara. Inverstoni në shishe qelqi si dikur!
Hahahaha, i madh je. Ti flet sikur nuk e njef nivelin bastard te popullit tone. Fshataret duan te behen milionera me 3 lope.
Nje i aferm im ne Tirane e mer qumeshtin me shishe Coca-Cola, te i njejti fshatare prej 20 vitesh. Tani ai e ka cuar cmimin 1.4€/Litri, cmenduri e vertete!