Është identifikuar një ditë më pas personi që humbi jetën nga një shpërthim në bregdetin e Sarandës. Bëhet fjalë për 52-vjeçarin Armandi Nelaj një biznesmen në këtë qytet. Të hënën u tha se viktima po kryente zhytje dhe i ka shpërthyer bombola e oksigjenit e cila i mori jetën.
Në fillim u dyshua se bëhej fjalë për një turist të huaj, por më pas u zbulua identiteti i viktimës. Një ditë më pas duket se policia ka nisur të dyshojë pasi po heton edhe për mundësinë e ngjarjeje kriminale. Sot, pranë vendit të ngjarjes janë parë palombarë që kanë kërkuar për prova.
![Shpërthimi në Sarandë/ Dyshohet se ngjarja u shkaktua nga](https://cdnimpuls.com/dosja.al/media3/-640-0-1719342914xc7c4b7d2-3c69-4183-82e8-fcf3225b026b-236.jpg)
Disa media shkruajnë se hetuesit kanë gjetur copa metalike që dyshohet se i përkasin mjetit me të cilin po lundronte viktima, por nuk dihet lloji i tij. Shpërthimi që ndodhi rreth orës 22.00 të së hënës ishte i fuqishëm dhe është dëgjuar edhe nga kalimtarë të rastit, por në ato momente vëmendja ka qenë tek ndeshja Spanjë – Shqipëri.
![Emri+Foto/ Shpërthimi i djeshëm në Sarandë, identifikohet viktima – Balkanweb.com – News24](https://www.balkanweb.com/wp-content/uploads/2024/06/1719260309_sarande_1-transformed-750x423-1.jpeg)
Viktima u gjet nga dy turistë të huaj që po lundronin me një gomone. Ata e nxorën 52-vjeçarin nga uji dhe e transportuan drejt Portit të Sarandës. Aty ka mbërritur ambulanca që e ka dërguar në spital. Pavarësisht përpjekjeve të mjekëve, biznesmeni nuk ka arritur të mbijetojë. Sipas mediave, biznesmeni, baba i dy fëmijëve, zotëron prej 13 vitesh një kompani të mjeteve të rënda të ndërtimit. ©LAPSI.al
![Name/ He lost his life after yesterday's explosion in Saranda, the victim is identified, here is what is suspected - Aktualitet](https://cdnimpuls.com/sot.com.al/media3/-800-0-1c4256ec67f738f3d2e041484f93f8d7.jpg)
LEXO EDHE: I shpërthen bombola e oksigjenit, humb jetën polumbari në Sarandë