Ajër ndryshimi. Kjo është ajo që mund të ndjesh aktualisht në Torino, në spondin bardhezi. Janë të shumta dallimet që do të shihen te Juventus sezonin e ardhshëm, tashmë gati për të startuar. Duke filluar padyshim nga trajneri: idetë e Thiago Motta do të jenë shumë të ndryshme nga ato të paraardhësit të tij, Allegri. Por jo vetëm kaq. Sepse edhe në nivelin e futbollistëve do të bëhet një gjysmë revolucion. Përveç ardhjeve të reja, nga Di Gregorio te Douglas Luiz, do të ketë shumë lojtarë që do t’i thonë lamtumirë Zonjës së Vjetër. Thiago Motta, në këtë kuptim, ishte shumë i qartë. Siç raporton Gazzetta dello Sport, ai i komunikoi klubit një listë me shtatë lojtarë që janë jashtë projektit të tij. Një “prerje” që do të lejonte uljen e pagës bruto me rreth 30 milionë euro.
Lexo më tej: Pas bllokimit të transferimit të Zirkzee te Milan qendron Juventus: Motta insiston për holandezin
LISTA E TË PADËSHIRUESHËMVE
Emri i parë tashmë pothuajse ka dalë nga lista: Moise Kean. Sulmuesi i lindur në vitin 2000 është një hap larg Fiorentinës dhe do të sjellë në arkat e Juventus 13 milionë, plus 5 milionë bonuse të mundshme. Një shumë e konsiderueshme. Duke mbetur në repartin ofensiv, sipas gazetës milaneze, Arek Milik konsiderohet gjithashtu si i tepërt. Qendërsulmuesi polak, i rikuperuar nga një dëmtim që e detyroi të humbasë Kampionatin Evropian, nuk preferohet nga Motta si i dobishëm për çështjen. Lojtari i tretë në listë është Weston McKennie, i cili pavarësisht se erdhi nga një sezon i mirë dhe refuzoi transferimin te Aston Villa, përfundoi jashtë projektit.
ASNJË VEND PËR DE SCIGLIO, KOSTIC, RUGANI E ARTHUR
E njëjta gjë vlen edhe për Mattia De Sciglio dhe Filip Kostic. Dy anësorët, të përdorur shpesh nga Allegri, kanë të ardhmen e tyre të vulosur. E kjo dihet tashmë prej kohësh. Megjithatë, ai që dukej i destinuar të qëndronte ishte Daniele Rugani: mbrojtësi së fundmi kishte rinovuar (me ulje) kontratën e tij. Megjithatë, nuk është pjesë e planeve të teknikut Thiago Motta. Së fundi, Arthur plotëson listën me shtatë emra: mesfushori brazilian është rikthyer nga huazimi te Fiorentina, por ndërkohë trajneri i Juventus ka ide të tjera dhe për këtë arsye edhe ai së shpejti do t’i japë lamtumirën Torinos.