Turistët do të shpërblehen me ushqim dhe aktivitete falas nëse marrin pjesë në aktivitetet miqësore me mjedisin gjatë vizitës në Kopenhagen, ka njoftuar bordi turistik i qytetit. Skema e provës, e cila fillon më 15 korrik, do të shohë atraksionet turistike në kryeqytetin danez të ofrojnë shpërblime për aktivitete të tilla si mbledhja e mbeturinave ose udhëtimi me transport publik ose biçikletë nëpër qytet.
Sipas iniciativës, vizitorët mund të kërkojnë dreka falas dhe gota verë në këmbim të punës së tyre. Skema “CopenPay” është krijuar për të kompensuar “barrën mjedisore” të turizmit, sipas bordit turistik të Kopenhagës.
“Kur udhëtoni jashtë vendit – nëse fluturoni në vende të tjera ose udhëtoni me makinë – ju ndotni. Një nga gjërat që mund të ndryshojmë është t’i bëjmë njerëzit të veprojnë në mënyrë më të qëndrueshme në destinacion.”, thotë shefi i komunikimit i bordit turistik, Rikke Holm Petersen.
Projekti është i bazuar në besim, që do të thotë se atraksionet nuk kanë gjasa të kërkojnë prova se aktiviteti i gjelbër ka përfunduar.
“Në disa atraksione mund t’ju duhet të tregoni një foto ku jeni duke hipur në biçikletë ose biletën tuaj të transportit publik,” thotë ajo. Qeveria nuk po rimburson kompanitë që qëndrojnë pas atraksioneve, duke përfshirë muzetë, baret në çati, për pjesëmarrjen në skemë. Deri më tani 24 organizata janë regjistruar në projektin pilot.
ky vend eshte per ata me idealet komuniste. ne fakt gjithe evropa eshte ideale per komunistet