Pas krizës, tradhtive të pretenduara, thashethemeve për divorc, Wanda Nara dhe Mauro Icardi kishin nisur një jetë të re si çift në Turqi. Në faqet e gazetave gossip emrat e tyre ishin zhdukur, pasi kishin qenë një nga çiftet më të përfolur mediatikë. Por tani, fjalët “fund” në lidhjen e tyre duket se kanë mbërritur. Vetë showgirl e konfirmoi ndarjen. “Jam ndarë, për arsye personale dhe shëndetësore”, – është mesazhi i Wandës, i transmetuar në një program televiziv argjentinas.
Sipas asaj që raporton gazeta vendase “La Nacion”, gjatë një transmetimi televiziv, ndërsa të pranishmit po diskutonin për krizën e mundshme mes Wanda Nara dhe Mauro Icardi, duke u hedhur hipoteza të ndryshme, në një moment të caktuar të debatit, prezantuesi Luis Ventura ndezi celularin duke zbuluar një mesazh nga Wanda Nara: “A mund t’i thuash ekipit tënd të mos thotë kaq marrëzi? Unë jam ndarë, pse shpik pa pyetur? Për arsye personale dhe shëndetësore, u përpoqa edhe një herë. Dërgoj një puthje. Le të flasin të gjithë, unë flas e fundit”.
Avokatja e saj, Ana Rosenfeld, konfirmoi më pas atë që deklaroi tashmë showgirl argjentinas. “Ajo e ka thënë tashmë. Është e ndarë. Divorci nuk është nënshkruar ende”. Asnjë koment nuk është marrë nga Mauro Icardi, i cili u rikthye dje në Stamboll për t’u përgatitur për sezonin e ri me Galatasaray. Wanda mbeti në Argjentinë ku së shpejti do të fillojë regjistrimin e “Bake Off Argentina”.
Wanda Nara dhe Mauro Icardi u martuan në vitin 2014, pas përfundimit të martesës mes showgirl-it argjentinas dhe futbollistit Maxi Lopez, me të cilin shkoi në altar në vitin 2008 dhe me të cilin pati 3 djemtë Valentino, 14 vjeç, Constantino, thuajse 13 vjeç dhe Benedikto 11. Nga martesa e dytë lindën vajzat Françeska 9 vjeçe dhe Isabella 7 vjeç.
Në vitin 2022, e ftuar në “Verissimo”, Wanda Nara foli për herë të parë për situatën me Mauro Icardin, duke konfirmuar publikisht ndarjen: “Nuk jemi bashkë prej muajsh. Kam gjetur disa mesazhe që nuk më kanë pëlqyer. Që andej gjithçka ndryshoi”, – zbuloi showgirl duke konfirmuar tradhtinë e futbollistit me aktoren dhe modelen China Suarez.
Në vitin 2023, gjërat dukej se ishin rregulluar sërish, me një jetë të re si çift në Turqi. Një dush i ftohtë erdhi për Wanda Narën dhe familjen e saj pasi kontrollet rutinë zbuluan se showgirl kishte leuçemi. Ajo qëndroi larg rrjeteve sociale, por më pas u hodh me kokë në aventura të reja pune. Mauro ka qenë gjithmonë pranë saj.
“Jemi mirë. Unë e njoh Mauro prej 12 vjetësh. Është një periudhë e gjatë dhe është një marrëdhënie që është shumë e vështirë për t’u mbajtur sot, veçanërisht për shkak të punës sonë. Ajo që vlerësoj dhe i jap gjithmonë përparësi është se, pavarësisht shumë situata, ne kemi zgjedhur gjithmonë tjetrin, familjen tonë dhe projektin që kemi Për mua prioritet është zemra e Mauros dhe mirësia e tij”, – tha ajo në tetor në një intervistë të gjatë për Hola Argentina. ©LAPSI.al