Aktorja amerikane Shannen Doherty është ndarë nga jeta pas një beteje të gjatë me kancerin.
“Me hidhërim në zemër konfirmoj vdekjen e aktores Shannen Doherty. Dje, më 13 korrik, ajo humbi betejën me kancerin pas shumë vitesh luftë me sëmundjen,” tha publicistja e Doherty-t, Leslie Sloane në një deklaratë për “People”.
“Shannan ishte e rrethuar nga të dashurit e saj si dhe qenushi, Bowie. Familja kërkon ruajtjen e privatësisë në këto momente të vështira, në mënyrë që ata ta kalojnë me qetësi këtë humbje,” vazhdoi Sloane.
Aktorj” u diagnostikua për herë të parë me kancer gjiri në vitin 2015. Në vitin 2017, ajo zbuloi se kanceri i gjirit ishte kthyer pas periudhës së shërimit.
Doherty u bë e njohur për rolin e saj si Brenda Walsh në “Beverly Hills, 90210”, që u shfaq premierë në vitin 1990. Ajo u largua nga shfaqja pas sezonit të katërt, pikërisht në vitin 1994. Pas famës në “Beverly Hills”, aktorja interpretoi në serialin “Charmed” si Prue Halliwell, motra më e madhe.