Riccardo Calafiori është një nga pjesët më të rëndësishme në merkaton italiane falë transferimit të tij nga Bologna te Arsenal. Një negociatë që ka në fakt protagonistë të shumtë falë një sërë klauzolash të përfshira në kontratën kuqeblu të mbrojtësit, i cili me të kaluarën po bën të lumtur edhe Romën e Basel. Tani të dy klubet duan të shohin qartë dhe të mbrojnë të drejtat e tyre, të cilat janë themelore për financimin e merkatove të tyre përkatëse.
Duke u kthyer pas në kohë, kur lojtari roman u transferua nga Zvicra në Emilia, Basel përfshiu një klauzolë që do të sillte 50% të të ardhurave nga çdo rishitje e ardhshme në arkat e tyre. Deri më tani gjithçka është e qartë përveç se Basel e kishte blerë futbollistin kryeqytetas Calafiori nga Roma për një shumë prej 4 milionë eurosh plus 40% të një rishitjeje në të ardhmen, nga të cilat 1.6 janë mbledhur tashmë.
Siç raportohet nga La Gazzetta dello Sport, verdhekuqtë i kishin bërë mirë llogaritë e tyre dhe i janë paraqitur emisarëve zviceranë me një kërkesë prej rreth tetë milionë eurosh, një shifër themelore për të financuar merkaton e transferimeve të ardhshme. Basel, megjithatë, nuk duan ta dinë, duke pretenduar se 40% është vetëm në pjesën fikse dhe jo në atë të ndryshueshme. Rreziku është që kontradikta të kalojë nga fushat e futbollit në gjykata, ndërsa Roma pret e shikon përreth dhe është gati të bëjë goditjen vendimtare.
MERKATO E ROMËS
Me largimin e Federico Chiesa, gjithnjë e më shumë larg Juventus dhe tani në shënjestër të Tottenham dhe Chelsea, familja Friedkin vazhdon të shikojë nga Continassa, ku Matias Soulé është veçanërisht i preferuar. Oferta është e qartë: kontratë pesëvjeçare me pagë të rritur ndjeshëm, pozicion protagonisti dhe marrëveshje me lojtarin tashmë të siguruar. Topi i kalon Juventus, por këto tetë milionë mund të jenë arsye të mira për të zhbllokuar ngërçin.
Lexo më tej: Lajmëroi transferimin te Arsenal, e fejuara e mbrojtësit Calafiori sqaron: “Nuk kam asnjë profil në TikTok”
Përveç tij, në Trigoria po mendohet edhe për Samuel Dahl, edhe në këtë rast me lojtarin gati të zbarkojë në Itali, por me Villarreal që duhet bindur, duke qenë se spanjollët nuk duan të zbresin nga klauzola e lirimit prej 38 milionë euro. Nga aty pastaj do të vlerësohet qendërsulmuesi i ardhshëm, me Alexander Sørloth, i cili mbetet emri më i nxehtë, edhe pse rruga që të çon te Mateo Retegui po merr kuota.