Nuk është mister që Inter e pëlqen Albert Gudmundsson, por për ta parë të veshur zikaltër duhet ende kohë. Të paktën sipas presidentit të Genoa, Alberto Zangrillo, i cili në rrjetet sociale komentoi në mënyrë ironike, pak për të thënë një fotomontazh që portretizonte islandezin të veshur me fanellën e Inter. “Me vapën dhe inteligjencën artificiale…”, ishte dalja e numrit 1 kuqeblu, që kërkoi të theksonte se kjo mundësi është e largët, të paktën në këtë fazë të merkatos.
Për t’u afruar seriozisht me Gudmundsson, Inter duhet së pari të mbledhë para. Valentin Carboni është gati të thotë lamtumirë (një marrëveshje me Marseille pothuajse është arritur), ndërsa Joaquin Correa është te porta prej javësh. Për lojtarin, megjithatë, gjetja e një sistemimi nuk është një detyrë e lehtë. Në repartin e avancuar sidoqoftë, Taremi e nisi shumë mirë, ndërsa së shpejti do të rikthehet edhe Marcus Thuram, pikërisht më 3 gusht. Francezi mezi pret të shkelë sërish në Appiano siç e dëshmoi edhe me një postim në Instagram: “Po bëj nxemjen…”.