Boksierja nigeriane Cynthia Temitayo (22) është pezulluar nga Lojërat Olimpike të Parisit për shkelje të një rregulli anti-doping. Në mostrën e boskierieres është gjetur substanca furosemid, e cila është klasifikuar si ilac që ul sasinë e lëngjeve që qarkullojnë përmes venave të gjakut. Analizat e 22-vjecares u bën të enjten, një ditë para ceremonisë së hapjes së Lojërave Olimpike dhe u raportua nga një laborator i akredituar nga Agjensia Botërore e Anti-Dopingut, WADA.
“Sportistja është informuar për rastin dhe është pezulluar përkohësisht deri në zgjidhjen e çështjes – tha WADA -. Kjo do të thotë që sportistja nuk lejohet të garojë, të stërvitet, apo të marrë pjesë në ndonjë aktivitet, gjatë Lojërave Olimpike Paris 2024”, ishte komunikata e agjensisë.
Cynthia Temitayo ka të drejtë të kundërshtojë pezullimin e saj të përkohshëm në Gjykatën e Arbitrazhit dhe gjithashtu mund të kërkojë një analizë të mostrës B. Nëse konfirmohet shkelja, boksierja rrezikon 2 vjet pezullim.
Lexo më tej: Krasniqi, e argjendtë në Paris 2024: xhudistja kosovare mundet në finale nga Keldiyorova
Boksierja në kategorinë nën 60 kg, do të debutonte në Lojërat Olimpike të hënën. 22-vjecarja nuk është e vetmja e pezulluar, pasi xhudisti nga Iraku Sajjad Sehen dhe volejbollistja domenikane, Lisvel Eve Mejia janë pezulluar për të njëjtën arsye.
Nigerian boxer Cynthia Temitayo Ogunsemilore has been suspended from #PARIS2024 due to an anti-doping rule violation. The 22-year-old, who is the African Games lightweight champion, was scheduled to compete on Monday as the fourth-seeded boxer in the women’s 60kg class. pic.twitter.com/nTRKjvL4Xb
— Alkass Digital (@alkass_digital) July 28, 2024