Një aksident ka ndodhur në aksin rrugor Pogradec-Tushemisht, rreth orës 01:10 të mëngjesit të sotëm.
Shtetasi me iniciale A. Ç., duke drejtuar automjetin tip “Renault”, dyshohet se ka humbur kontrollin dhe si pasojë automjeti ka dalë nga rruga.
Ai është dërguar në spital, për ndihmë mjekësore dhe ndodhet jashtë rrezikut për jetën. Grupi hetimor po punon për sqarimin e rrethanave dhe shkakut të aksidentit.