Në Spanjë ende diskutohet incidenti i tmerrshëm në të cilin u përfshi i ati i Lamine Yamal, i goditur me thikë pa mundësinë e mbrojtjes. Ai u shtrua në spital në gjendje të rëndë, për fat të mirë jo në rrezik për jetën dhe tashmë i ka qetësuar të gjithë duke thënë edhe fjalët e para: “Jam mirë, më e keqja kaloi”. Mounir Nasraoui u godit me thikë disa herë mes orës nëntë dhe dhjetë të mbrëmjes në një parking në lagjen Rocafonda të Mataró, qyteti në Katalonjë ku ai jeton.
Meqenëse gjendja e tij u shfaq menjëherë e rëndë, babai i talentit 17-vjeçar të Barcelonës u transferua në urgjencën e spitalit Can Ruti në Badalona, i cili është shumë më i pajisur se ai i Matarós. Një video e publikuar orët e fundit në rrjetet sociale tregon përleshjen në rrugë të ndodhur disa orë më parë, e cila do të ishte baza e sulmit brutal të mëpasshëm që pësoi babai i Yamal.
VIDEO E SHERRIT PARA GODITJES ME THIKË
Incidenti ndodhi rreth orës 15:45 dhe përfshiu njerëz të tjerë, në vendin ku u rrit Mounir Nasraoui e më vonë edhe Lamine Yamal. Debati shpërtheu pasi një grup burrash të zhveshur në bust i bërtitën dhe hodhën ujë në trup babait të futbollistit nga një ballkon, teksa ai po shëtiste me qenin e tij në Mataró. Në video, burri, i veshur me një fanellë futbolli të Barcelonës me emrin e djalit të tij në shpinë, shihet duke debatuar me një grup njerëzish që qëndrojnë para një dere.
Një burrë tjetër e pengoi të konfliktohej me grupin dhe më pas e largoi nga ajo situatë potencialisht e rrezikshme, pasi mori diçka nga toka dhe ia dha përsëri Nasraouit. Në këtë moment shihet policia të ndërhyjë, duke e larguar edhe më shumë, pas një kamioni, ku babai i Yamal fillon të gjestikulojë dhe të shpjegojë dukshëm versionin e tij të ngjarjeve. Disa orë pas këtyre ngjarjeve, burri u godit disa herë me thikë pas shpine në mbrëmje në një parking aty pranë dhe, më pas, u dërgua me urgjencë në spital.
🇪🇦🇲🇦 | Aquí el vídeo de Mounir Nasraoui, el padre de Lamine Yamal, discutiendo con otros marroquíes. Según los Mossos, sería de esta discusión en la mañana de la que derivaría el apuñalamiento de la tarde, que ha dejado tres detenidos. pic.twitter.com/JqNkqGs2gQ
— ʜᴇʀQʟᴇs (@herqles_es) August 14, 2024
POLICIA ARRESTOI TRE PERSONA PËR TENTATIVË VRASJE
Njësia hetimore e Mossos d’Esquadra e Mataró mori menjëherë çështjen përsipër dhe tre persona janë arrestuar tashmë me akuzën e “vrasjes së mbetur në tentativë”, falë dëshmive të atyre që panë goditjen me thikë. Ndërhyrja e policisë ishte e menjëhershme dhe masive: tetë automjete nga Mossos d’Esquadra dhe Policia Bashkiake morën kontrollin e zonës për të kryer marrje në pyetje dhe arrestime, të cilat mund të mos kenë përfunduar me kaq.
Nasraoui – reagimet e të cilit për kampionatet e fundit evropiane të fituara nga Spanja, në të cilën Yamal ishte një protagonist i madh, u bënë virale për spontanitetin e tyre – ka pasur probleme me ligjin edhe në të kaluarën. Në qershor të vitit të kaluar ai përfundoi në titujt kryesorë dhe u detyrua të paguante një gjobë prej qindra eurosh pasi sulmoi një tezgë të partisë së ekstremit të djathtë Vox gjatë fushatës zgjedhore.
Historia dramatike që përfshiu babain e tij nuk është sigurisht mënyra më e mirë për Lamine Yamal për t’u përgatitur për debutimin e tij sezonal në La Liga, që do ta shohë Barcelonën në transfertë të shtunën në mbrëmje në Mestalla kundër Valencias. Ndërkohë, mbetet për t’u parë nëse ai do të jetë në gjendje të stërvitet rregullisht: padyshim për momentin prioriteti i tij kryesor është gjendja e babit Mounir.