Katy Perry do të marrë çmimin Video Vanguard në MTV Video Music Awards 2024 muajin e ardhshëm.
Këngëtarja e “Woman’s World” do të performojë gjithashtu disa nga hitet e saj më të mëdha”, sipas një njoftimi për shtyp, duke u bashkuar me interpretuesit e paralajmëruar më parë Sabrina Carpenter, Camila Cabello, Chappell Roan, GloRilla dhe Rauw Alejandro. .
Marrësit e mëparshëm të çmimit për arritje jetësore përfshijnë Shakira, Beyoncé, Nicki Minaj, Madonna, Janet Jackson, Jennifer Lopez, Rihanna dhe Justin Timberlake.
Perry do të rikthehet në shfaqjen e çmimeve për herë të parë që nga viti 2017, kur ajo mori detyrën e dyfishtë si prezantuese dhe interpretuese. Artistja– e cila është planifikuar të publikojë albumin e saj të shtatë në studio, “143”, më 20 shtator – ka fituar pesë VMA që nga viti 2008, duke përfshirë videon e vitit për “Firework” në 2011.
“Katy është një fuqi muzikore dhe ikonë e vërtetë e kulturës pop. Me vizionin e saj krijues ajo është bërë një fenomen global dhe ka marrë përsipër skenat më të mëdha në botë, “tha në një deklaratë ekzekutivi i Paramount Bruce Gillmer.
Taylor Swift kryeson listën e këtij viti të nominimeve të VMA me 10 – kryesisht për videoklipin e saj “Fortnight”, plus artistja e vitit. Bashkëpunëtori i saj Post Malone mori nëntë nominime , ndërsa Ariana Grande, Eminem dhe Carpenter kanë nga gjashtë secili./Lapsi.al