Ernest Muçi nuk ka patur situatën që mendonte te Besiktas, sidomos pas mënyrës se si mbylli sezonin e kaluar. Megjithatë ardhja e holandezit Giovanni Van Bronkhorst në pankinë i ka komplikuar gjërat për sulmuesin shqiptar, që po mbahet në pankinë. Një situatë që lidhet në fakt edhe me merkaton me lojtarin kuqezi në qendër të merkatos, i kërkuar nga Aston Villa. Sidoqoftë, Muçi ka vendosur të mos ja bëjë fare të thjeshtë detyrën holandezit dhe në minutat e para në fushë ka treguar sa vlen.
Muçi ka shënuar golin e parë për këtë sezon me fanellën e Besiktas, duke realizuar golin e katërt në fitoren 4-2 ndaj Antalyaspor. Sulmuesit të kombëtares iu deshën vetëm pak minuta për të treguar potencialin që ka. I aktivizuar në minutën e 88’ në vend të Rafa Silva, shqiptari ka arritur të shënojë në minutën e 5-të shtesë, pas një asisti të Cher Ndour. I vetëm përballë portierit, Muçi nuk e ka patur të vështirë të dërgojë topin në fundin e rrjetës.
Lexo më tej: Video/ Vedat Muriqi i prish planet Mbappe: ‘Pirati’ i grabit fitoren Real Madrid
Në 14 ndeshje të luajtur në Turqi për Besiktas, Muçi ka shënuar 4 gola, ndërsa sezoni i kaluar i luajtur mes Legia e klubit bardhezi ka qenë ndër më produktivët në karrierën e sulmuesit: 13 gola e 2 asist në 51 ndeshje në të gjitha kompeticionet.
Dhe Silvinio trapi as e rruajti hic per Mucin ne euro 2024!