Wayne Rooney u largua nga futbolli 3 vjet më parë dhe që nga ai moment filloi karriera e tij e luhatshme si trajner, duke filluar nga Derby County. Historia vazhdoi në MLS me DC United dhe më pas Rooney u kthye përsëri në Angli te Birmingham dhe Plymouth, skuadër kjo e fundit ku ish-sulmuesi është ende menaxher.
Që kur nuk është më lojtar, sigurisht që nuk mund të thuhet se ish-sulmuesi anglez ka qëndruar në formë. Në fakt ai ka vënë dukshëm disa kilogramë më tepër. Në fund të fundit, edhe kur ishte në maksimumin e tij, fiziku i tij linte të dukeshin disa rrumbullakësi të dyshimta…
Lexo më tej: Video/ Garnacho shënon si Rooney e feston si Ronaldo: ‘goli i vitit’ i argjentinasit, United tris ndaj Everton
Këmba, megjithatë, është gjithmonë tepër magjike, dhe Wazza e demonstroi këtë edhe një herë në një ndeshje mes lavdive të vjetra të Manchester United dhe Celtic Glasgow, të luajtur në Old Trafford. Magjia nga një goditje dënimi është nostalgji e pastër.
ROONEY NUK E KA HUMBUR PREKJEN
Kishte shumë ish-kampionë të Djajve të Kuq në fushë në ndeshjen kundër lavdive të Celtic, por sigurisht më i prituri ishte Wayne Rooney. Dhe pavarësisht një forme që është, për të mos thënë, e sikletshme, 38-vjeçari nga Liverpool ka treguar se klasi është diçka e përjetshme. Në barazimin 1-1 në Old Trafford, ish-sulmuesi i cili shënoi gati 400 gola në karrierën e tij, zhbllokoi ndeshjen me një goditje dënimi me të vërtetë magjike nga hyrja e zonës.
Një gol që i ktheu tifozët e Man Utd dhe të gjithë tifozët e futbollit dhjetë vjet pas në kohë.
🏴 Wayne Rooney, at 38 years old, scores Manchester United’s first free-kick goal at Old Trafford in two years. 😅🎯
— CentreGoals. (@centregoals) September 7, 2024