Cristiano Ronaldo ka arritur gjithsej 1 miliard ndjekës në llogaritë e tij të ndryshme në mediat sociale, duke e bërë atë personin e parë që arrin këtë shifër befasuese. Kjo shifër llogaritet duke marrë numrin e përgjithshëm të ndjekësve të tij në Instagram, Facebook, Twitter, YouTube dhe faqet e mediave sociale kineze Weibo dhe Kuaishou.
Kjo nuk do të thotë se janë 1 miliard ndjekës individualë, pasi shumë njerëz e ndjekin atë njëkohësisht në platforma të shumta, dhe disa mund të jenë jenë llogari të rreme, të njohura si bot. Sidoqoftë, eksperti i mediave sociale, Paolo Pescatore e përshkroi këtë si një “numër tronditës” të cilit media dhe markat do t’i kushtonin vëmendje.
View this post on Instagram
“Çfarë arritjeje që tregon ndryshimin themelor që po ndodh në media.” Ai flet për “fuqinë për të arritur një audiencë të re, edhe më të re falë teknologjisë”. Në fushën e futbollit, Ronaldo ishte i njohur për rivalitetin e tij me yllin argjentinas Lionel Messi. Por jashtë saj, nuk ka konkurrencë për atë se kush do të fitojë garën e mediave sociale. Messi ka vetëm 623 milionë ndjekës.
Nuk është vetëm sport: Ronaldo është gjithashtu përpara disa prej emrave më të mëdhenj të televizionit, duke përfshirë këngëtarët Justin Bieber, Taylor Swift dhe Selena Gomez. Edhe ata që njihen kryesisht për punën e tyre në internet nuk mund ta konkurrojnë. MrBeast, YouTuber-i më i mirë në botë, ka gjithsej 543 milionë ndjekës.
Një pjesë e arsyes se pse futbollisti kaloi kufirin prej 1 miliardë, së pari vjen nga vendimi i tij për t’iu bashkuar YouTube muajin e kaluar, ku kanali i tij arriti në 50 milionë abonentë brenda një jave të vetme. Nëse e krahason atë me Messin, kanali i të cilit ka vetëm 3.5 milionë abonentë, pavarësisht se ka ngarkuar video që nga viti 2011. Arsyeja varet nga rregulli që ka vendosur YouTube: “Përmbajtja është mbreti”.
Kanali i Messit ka ngarkuar vetëm një video në tre vitet e fundit, një reklamë për një përvojë futbolli që zgjat një gjysmë minute. Videot e tjera të tij janë po aq të shkurtra ndërsa ato më të gjata janë zakonisht montazhe që e shfaqin atë duke folur në spanjishten e tij amtare.
Deri më tani, kanali i Ronaldos përbëhet kryesisht nga bisedat mes tij dhe gruas së tij Georgina Rodríguez, si dhe ish-kolegut të tij në Manchester United, Rio Ferdinand. Por e gjithë kjo përmbajtje është përshtatur për një audiencë anglishtfolëse – madje edhe kur Ronaldo flet në spanjisht ose portugalisht, videot shpesh dublohen në anglisht.
Kjo, së bashku me ngarkimet pothuajse ditore dhe videove të shkurtra tregon se Ronaldon (ose më shumë gjasa ekipin e tij të mediave sociale) e di saktësisht se si ta bëjë një video të njohur në platformë.
Cristiano Ronaldo ka bërë një karrierë duke thyer rekorde. Sukseset e tij përfshijnë të qenit golashënuesi më i mirë në historinë e UEFA Champions League, ai ka më shumë gola në Kampionatin Evropian dhe më shumë paraqitje ndërkombëtare se kushdo tjetër. Javën e kaluar ai u bë futbollisti i parë që shënoi 900 gola në karrierë.
Ashtu si me karrierën e tij në lojë, ai ka ende hapësirë për të përmirësuar numrat e tij edhe në mediat sociale, pasi ndryshe nga disa nga rivalët e tij, ai nuk është në TikTok ose Threads. E gjithë kjo ka të ngjarë t’i shtojë një shifër tjetër që sërish ai e dominon dhe që janë… fitimet. ©LAPSI.al