Alessio Aliaj është një nga modelët më të diskutuar shqiptarë, jo vetëm për performancën e tij në sete të ndryshme fotografike, por më së shumti për eksperiencat dhe takimet me personazhet me famë ndërkombëtare, si Beyonce, Jay Z, Rihanna, e shumë të tjerë. Modeli, i cili ka jetuar për shumë vite në Australi, së fundi është kthyer në Tiranë, ku siç duket nuk ka hequr dorë nga emrat VIP.
Deklarata e tij se ka kryer marrëdhënie seksuale me një deputete të Kuvendit Shqiptar ka “thyer” internetin, ndërsa të gjithë janë bërë kureshtarë për të ditur më shumë rreth këtyre raporteve. Por si janë femrat e politikës në shtrat dhe kërkesat e tyre në dhomën e gjumit? Modeli na e zbulon në këtë rrëfim për “Bluetooth”, ku veç të tjerave na tregon se në listën e tij të përvojave nuk ka qenë vetëm një deputete, por edhe shumë të tjera.
Alessio, prej sa kohësh po qëndron në Shqipëri dhe për cilat arsye?
Arsyet janë të shumta, familja dhe disa plane arti për të ardhmen.
Aktualisht për çfarë projektesh po punon?
Është një punë e përditshme, merrem me kujdesin ndaj këngëtarëve, DJ-ve dhe me organizime të eventeve. Gjithashtu organizoj festa private për artistët, përveçse kam dhe 2 restorante të miat, që i konsideroj një punë normale.
Prej disa ditësh po diskutohesh për deklaratën se ke fjetur me një deputete. Është rasti i vetëm, apo ka ndodhur edhe në raste të tjera?
Jeta ime bën që të takoj femra të ndryshme, nuk them dot që ka qenë e para. Je një mashkull mjaft joshës. Ke pasur shumë lidhje me femra VIP? Për mua çdo femër është VIP dhe princeshë.
Cila është eksperienca më e veçantë që ke pasur?
Eksperiencat janë të shumta, po të flitet për dashuri, ngelet gjithmonë në zemër. Mund të shkruaj një roman për të gjitha eksperiencat, sepse çdo eksperiencë ka ëmbëlsinë dhe bukurinë e vet.
Të kanë ofruar ndonjëherë para, apo favore të tjera në shkëmbim të seksit?
Unë mendoj që çdo person që abuzon me seksin për para bën një mëkat. Seksi bëhet me pasion dhe jo për “para”.
Sipas teje, cilat femra janë më të nxehta, ato të politikës, apo të artit?
Hmmm, politikanet të acarojnë në shtrat dhe arti të gjallëron (qesh).
Me sa deputete ke shkuar dhe të çfarë moshe kanë qenë?
Numrat nuk kanë rëndësi.
Po moshat?
Kur janë seksi mosha nuk diskutohet. Vetëm vera dhe djathi pyetet për moshën.
Cilat kanë qenë kërkesat më të veçanta, apo të çuditshme të politikaneve në dhomën e gjumit?
Nuk kanë kërkesa, se ç’do kërkesë ja u kalon seksi, që është si për politikanet, apo ato që nuk janë politikane.
Është bërë e modës tashmë që personazhet zbulojnë eksperiencat e tyre me politikanë. Është kërkesë për vëmendje?
Ndoshta në Shqipëri, por jo nga vendet që kam qenë unë. Seksi është diçka e dobishme për çdo person, prandaj është krijuar.
Ke thënë që në shtrat nuk bën dallime politike, megjithatë, sipas teje cilat janë më të mira në shtrat, femrat e PD, apo PS?
Kur vjen puna tek seksi PS dhe PD bashkohen në të njëjtin mendim.