Shtetet e Bashkuara kanë nisur sulmet ajrore ndaj objektivave të ISIS në Libi. Fushata bombarduese vjen pas kërkesës së qeverisë libiane të mbështetur nga OKB-ja. Shteti Islamik ka krijuar një prezencë në rrije në Libi.
Sulmet ajrore amerikane janë të koordinuara me qeverinë e Libisë. Kryesisht në shënjestër ka qenë qyteti i Sirtes, i kthyer në një fortesë të ISIS.
Në një deklaratë për mediat, kryeministri libian Fayez al-Sarraj tha se se sulmet kishin shkaktuar humbje të mëdha.
Që pas rënies së regjimit të Gadafit, Libia vazhdon të jetë një vend i trazuar dhe i ndarë për shkak të konflikteve të brendshme, të cilat i kanë krijaur hapësirë të lirë edhe ekstremistëve të ISIS.