Mjeku që operoi reperin Noizy ka rrëfyer për KALLXO.com se këngëtarit i është hequr një plumb pas një ndërhyrjeje kirurgjike.
Mjeku kujdestar në Emergjencën e Prishtinës, Avni Xhafa, ka folur për lëndimet që ka pësuar reperi Rigels Rajku, i njohur me nofkën Noizy, pas incidentit në qendër të Prishtinës.
Ortopedi Xhafa e ka operuar Noizyn pasi ai ishte qëlluar nga një plumb, i cili i është hequr pas një ndërhyrjeje kirurgjike.
“Konfirmoj se Rigels Rajku ka ardhur me një plagë në regjionin gluteal të djathtë si dhe plumbin i cili prezanton në rentgen në të njëjtën anë. Plumbi është hequr ndërsa gjendja e pacientit është stabile dhe pa dëmtime të strukturës kockore dhe neurovaskulare”, ka thënë mjeku që kreu operacionin.
Sipas tij, pacienti ka refuzuar qëndrimin dhe trajtimin e mëtejshëm në spital.
Noizy është larguar menjëherë pas operacionit ndërsa në videon mëposhtë mund të vërehet dora e tij e djathtë e fashuar, me të cilën besohet se ka goditur Cozman.