Quhet Qabe dhe është një godinë katrore rreth së cilës përcillen çdo çast të ekzistencës së kësaj bote me dhjetra e qindra besimtarë, të atyshëm ose si pelegrinë të ardhur nga anekënd botës.Aty nuk del apo hyn njeri, dhe kjo e bën atë grishëse të kuriozitetit njerzor për atë çfarë ka brenda.Në një sipërfaqe që nuk i kalon 180 metra katrorë, Qabja përmban tri shtylla prej druri të cilat mbajnë tavanin e saj.Druri i përdorur është i një prej llojeve më të forta, vënë nga një prej shoqëruesve të profetit Muhamed, Abdullah bin Zubejri.
Shtyllat janë më shumë se 1.350 vjet të vjetra dhe kanë ngjyrë kafe të errët.Perimetri i çdo shtylle është rreth 150 centimetra, ndërsa diamteri është 44 centimetra.
Çdo shtyllë ka një bazë katrore druri.Në mes të këtyre tri shtyllave, ka një shtyllë në të cilin qëndrojnë të varura dhuratat e Qabesë. Kjo shtyllë kalon nëpër tri shtylla dhe skajet e saj shtrihen në muret veriore dhe jugore.
Presidenca e dy xhamive të shenjta, thotë se qoshi i Levanit në anën e djathtë të brendshme të Qabesë përfshin shkallë të mbyllura, e cila i ngjan një strukture të mbyllur drejtkëndëshe pa dritare dhe që ka një derë me një dry të veçantë që të çon lart në tavan.
Në derë, ka një perde mëndafshi me gravura ari dhe argjendi. Presidenca gjithashtu thotë se dyshemeja e Qabesë është punuar nga mermeri. Shumica e mermerit është e bardhë, ndërsa një pjesë e saj është me ngjyrë.
Muret e bredshme të Qabesë janë bërë me mermer me ngjyra të dekoruar. Pjesa e brendshme është e mbuluar me një perde mëndafshi me ngjyrë të kuqe që ka tekst në ngjyrë të bardhë të qëndisur ku janë disa nga emrat e Zotit. Kjo perde mbulon gjithashtu tavanin Qabesë.
