BBC, fëmijët prishin intervistën në lidhje direkte

Intervista e një eksperti të Koresë së Jugut me Skype për BBC shkoi keq, për shkak të fëmijëve që hynë pa leje në dhomë. Video u  bë hit në internet dhe ka pasur pëlqime e shpërndarje pa masë në rrjetet sociale. Babai ishte duke folur për Korenë e Jugut, pa dyshim një çështje serioze, por befas hapet një derë dhe një vogëlushe me syze hyn brenda duke bezdisur babain që po intervistohej. Halli dyfishohet, kur pas motrës rend edhe vëllai që nuk është as 1 vjec, me rrethoren që e ndihmon të ecë. Bashkëshortja apo dadoja ndërhyn menjëherë, duke nxjerrë me mundim fëmijët nga dhoma.