Koordinatorja e PS në Fushë Arrëz dhe njëkohësisht anëtare e Asamblesë Kombëtare të kësaj partie, Franka Toplana, akuzon kryebashkiakun e këtij qyteti për falsifikim dokumentesh. Sipas saj Fran Tuci, i zgjedhur në 2015 nga PS, ka falsifikuar listë-prezencën për shkarkimin e drejtorit të Qendrës Kulturore të Fëmijëve në Fushë Arrëz Mark Toplana, njëkohësisht bashkëshorti i koordinatores së PS-së. Denoncimin ajo e ka bërë përmes një postimi në Facebook.
“Atij i duhet me patjeter ulja nga detyra e drejtorit të QKF, sepse duhet me patjeter të marrë shpërblimin për këtë! Dhe, strategjia me të cilën mendon të realizoje shkarkimin është kjo: Me doren e vetë dhe me vullnetin e lire, falsifikon listprezencën e QKF Fushë Arrëz, dhe pikërisht këtë falsifikim zyrtar e përdor si motiv për ulje nga detyra të drejtorit. Mirëpo dita që ka falsifikuar kryetari me dorën e tij, rezulton të jetë ditë pune intensive dhe e protokolluar ne librin e mbledhjeve të QKF Fushë Arrëz në prezencën e të gjithë kolektivit”, shkruan Franka Toplana.
![](http://www.gazetatema.net/wp-content/uploads/2017/10/22853130_1130900470378319_1650729841049692095_n.jpg)
![](http://www.gazetatema.net/wp-content/uploads/2017/10/22851737_1130900550378311_3770736169107615910_n.jpg)
![](http://www.gazetatema.net/wp-content/uploads/2017/10/22815426_1130900540378312_3452674499712827179_n.jpg)
![](http://www.gazetatema.net/wp-content/uploads/2017/10/22815172_1130900400378326_8758394925132402651_n.jpg)
![](http://www.gazetatema.net/wp-content/uploads/2017/10/22885910_1130900523711647_3192862377537876094_n.jpg)
![](http://www.gazetatema.net/wp-content/uploads/2017/10/22814263_1130900420378324_7152108582173349465_n.jpg)