Një këngëtare e famshme në Sri Lanka është gjetur e vrarë në shtëpinë e saj në Panadura. Një zëdhënës i policisë deklaroi se Priyani Jayasinghe është vrarë me gërshërë.
“Reuters” raporton se policia është vënë në kërkim të bashkëshortit të këngëtares, për ta marrë në pyetje rreth kësaj ngjarjeje.
Lajmi për ndarjen nga jeta të Priyanit u konfirmua edhe nga familjarët e saj në rrjetet sociale.
Ajo ishte nënë e dy fëmijëve, ndërsa mbeten të paqarta rrethanat e këtij krimi të rëndë.